وصلت المغرب، معلومات سريعة

السلام عليكم ورحمة الله وبركاتة
وصلت المغرب الحمدلله، معلومات مختصرة قد تفيد البعض، اعتذر عن التعقيب او الرد في الخاص او العام لظروف السفر

اولاً: الصرف
لا تذهب لصرافين الحرم اذا كان غرضك الصرف، البنزين غالي ومايستاهل المشوار الا لو كان ودك تصلي في الحرم وتكسب اجر الفريضة واجر صلاة الجنازة في الحرم

اغلب اماكن الصرافة عند الحرم مغلقة. الاسعار قريبة من اسعار البنوك في جدة، مثلاً الدولار 3.77 لكن وجدت من ودة يبيع مبلغ بسيط دولارات ب 3.76 و 3.75 عند بعض الصرافين، الي لديهم دولارات ليست من فئة 100

الدرهم موجود عند الحرم بكمية قليلة 0.42 و 0.43 يعني حدود 2.32 و 2.35
شايب من الصرافين خشيت مزاجة، قال ياولدي البنوك مليانة ولما ينزنقوا يتصلوا فينا عشان يصرفوا الي عندهم، اذاً ما يستفاد: بنوك المغرب وبنوك السعودية ربما تريد تعويض خسائر كورنا باسعار صرف ليست مالوفة في الوقت الحالي وموسم الحج راح يبين ....بداية كورونا هبط الدرهم واليورو هبوط شديد، ويابخت الي اشترى بذاك الوقت

الدرهم وفق لتقارير اقتصادية مغربية مرتبط بسلة عملات لكن الواقع يقول انة مرتبط باليورو، في الوقت الي الدولار يتفوق على اليورو راقب اسعار الصرف. حسب مقطع يوتوب، في السعودية الصرافين يحولوا اي عملة وفقاً لسعرها مع الدولار بعدها يضيفوا هامش ربح عند عرض سعرها مع الريال

في مطار كازا ما صرفت من بنك البريد، اعتقد الاعتماد على عروض stcpay في الوقت الحالي جيد. وجدت سعر صرف جيد وفق لشاشة عملات عند احد بنوك كازا الغير معروفة 2.35 لريال و 8.7 لدولار لكن للاسف قال ماعندة تحويل، اذهب لمكتب صرف، كان سعر مكتب صرف عادي الدولار 8.62 والدرهم 2.3

ثانياً الخطوط
انا سافرت على السعودية، طيارة مليانة على الاخر، طيران داخلي تباعد
لكن الرحلة لكازا جمعوا مسافرين من رحلات داخلية من عدة مناطق في طيارة كبيرة ومافي تباعد اجتماعي او مقعد فارغ، وطول الوقت يحرزون على لبس الكمامة، لكن وقت الاكل ماعندك احد هههههه وكان الفيروس يقفلون علية بالمفتاح ايلين يخلص الناس الاكل...خلك حذر، تعويض خسائر، راح يدفعوك وزن زايد ....من جدة ماسمحوا بشحن زمزم لكن وجدت عند وصولي الرياض، السماح لشحن زمزم من مدن اخرى غير جدة......يدورون على اي شئ يدفعوك فلوس، يعني مايكفي الواحد دفع مبلغ تغيير رغم انة حجزة كان مرن. يسالون ايضاً عن تذكرة عودة وهذا مالم نعتد علية في جدة>>

الاسعار
اقل من المعتاد شوي، لكن اتوقع يحصل ارتفاع نهاية شهر 6

الوصول لكازا
الوضع عادي، ناس يجمعوا بطاقات صحية، والي ماعباة اليكتروني وطبعة، مافي مشكل ....موجود نسخ بالطائرة، كان هناك تاخير للحصول على الشنط...للاسف، حسيت اني بالخطوط القطرية او الامارتية يوم كنت القى شنطي مكسرة عندما كنت اذهب لامريكا، وجدت شنطين مفتوحة رغم اني احكمت عداد الغلق، الاخوة الي يحطون كاش بالشنط، خلك حذر، خد كاش مبلغ بسيط، واعتمد على البطاقات واشتري دماغك

الاجراءات الاحترازية
بشكل عام ، الالتزام قل ربما بسبب حملات التطعيم الواسعة
التعامل جيد، مافي مشاكل، خلك طبيعي، لست ملزم تعطي اذا ماحبيت، والمغاربة بصفة عامة شعب تعود على الترحيب بالسياح "مرحبا بيكم"

الطقس ممتاز بارد بالليل قريب الشواطئ، يحتاج ملابس برد بداية الصيف

الخلاصة، بداية الصيف احسن وقت لزيارة المغرب، اجواء خرافية، ما اجمل كازا وكورنيشها والاستمتاع برياضة المشي وتنوع مطاعم ومقاهي كورنيشها في هذ الوقت، لا تهتم بامور الصرف اذا كنت تستطيع ضبط مصروفاتك، عدد السياح الان قليل، اتوقع لو انتهى الحضر ستقفز الاسعار .


الاخوة الي ميزانيتهم محدودة، الان فترة تعويض خسائر وربما تفاجأ بالاسعارفي اي لحظة، ربما بعد الصيف تقل الاسعار بشكل كبير، سيناريو اخر يستمر الاغلاق وتبقى الاسعار في حدود المعقول

اعتذر عن التعقيب او الرد في الخاص او العام لظروف السفر> ولا توجد لدي معلومات لا عن طيور ولا منتجعات وليست من اهتماماتي

الحمدلله على السلامه وباذن الله رحله ممتعه وبعدين اعطينا الجديد لاني بعد اسبوع جاى المغرب وتتهنى ان شاء الله :0005::0005::0005:

شكرا لك تقرير جميل ورائع

عندي سؤال لمن لديه جواب /

كم عمولة السحب من صرافات المغرب ببطاقتي الراجحي مثلا ؟
هل تعتبر طريقة جيدة ؟

بالنسبة لي دائما استخدمها التميز واستخدم بطاقة الأهلي الوسام وبطاقة فيزا
لكن لو سألتني هل هي الأفضل
اقولك لا ادري

__________________
كنبغيك وصافي

شكرا لك

شكراً لكم، ان كان في اشياء تستوجب التحريص في الوقت الحالي:
1) لو راح تستاجر سيارة، ضروري ضروري ضروري تامن او تاخد سيارة مؤمنة، امس الحوادث بالجملة في كازا والكل ينتظر الشرطة...ابتعد عن الاماكن الي تكثر فيها دراجات نارية لانة قيادتهم مزعجة. لا تقول انك سواق وماراح يحصل شي
2) الناس تساعدك ولا تطلب منك، لو ما ودك تعطي لا تطلب مساعدة، لو
مافي فراطة في جيبك او ماودك تعطي لا تتكلم مع الناس لانة لديهم بطالة عالية وهموم في هذا الوقت، لو طلبك احد ولو كان رجل امن وما ودك تعطي او ماعندك تذكر حديث الابتسامة صدقة، مافي داعي تصارخ
3) رغم الغالبية ماتلبس كمامات الا انة موظف الفندق امس يقلي انتبة فيها 300
4) لا تكثر السفر بين المدن اذا ما ودك تشوف نقاط امنية ، امس شفتهم موقفين كثير مغاربة، وقفني وما كنت مسرع وكنت لابس الكمام البرقع ههههه ولا حتى قرب عندي اشر لي امشي

يعطيك العافية

نصائح جميلة جدا ومفيدة ومرتبة

أبغى أسألك وش الجديد في المغرب بعد كورونا ؟
وش اللي تغير ؟

بالنسبة لي ونوعية سياحتي الي تعتمد على التمشي، مااجد تغييرات كبيرة غير اني وجدت من الافضل استخدام السيارة الي مستاجرها لضرورة، افتكر مرة بالسعودية قال لي الطبيب، الدواء الي راح اصرفة لوالدك هو نفس الحبوب الي يستعملها الاشخاص الي تشوفوهم متهورين بالقيادة.

يوجد اهتمام بالسياح في الاماكن السياحية، اسعار اقل للفنادق لكن يفضل حجزها من المواقع، في مقابل ذلك اسعار المطاعم زادت شوي. يبدو لي المغرب في مرحلة اعادة الثقة بالسياحة ويبدو لي هناك تعليمات بمعاملة اي سائح بشكل جيد، لا يوجد مهرجانات في الوقت الحالي. يفضل دائماً التواجد في الاماكن السياحية.

لا داعي لاحضار مواد غدائية من السعودية، كل شي موجود بالمرجان فريش وباسعار جيدة.....دخلت دورة مياة عمومية في كورنيش كازا ورفضت المنظفة تاخد 5 دراهم.......

هل تستحق المغرب الزيارة في الوقت الحالي>>> بالنسبة لنوعية سياحتي الي تعتمد على الاستيقاظ مبكراً والنوم على 11 و 12 ...اجابتي نعم.

في وفا كاش وبطاقة فلوسي --> عملت اختبار للموظفة وقالت انت اعطيتني زيادة وبلغتني بدون اسالها حتى لو بطاقتك انتهت مدتها فلوسك راح تكون محفوظة رغم انة المبلغ الي اودعتة بسيط. في الفندق نزلت اغراضي للمغادرة وخليت تلفوناتي تشحن نزلتهم لي العاملة كانت تظن اني راح انساهم. انا الان في طريقي لاكادير والملاحظ اسعار الفنادق رخيصة او اقل من المعتاد.

الاتصالات السعودية تقدر تاخد معهم باقة تجوال استقبال مكالمات في الاجازات بمقابل ريال باليوم لكن سعر الانترنت معهم السنة هادي غالي، انا اخدت لي رويتر متنقل من السعودية وركبت فية شريحة بالمغرب لانترنت مفتوحة بي 199 درهم بالشهر