تجربتي مع خليج اكادير والوكيل السعودي المقلب

السلام عليكم ورحمة الله

باختصار شديد حجزت عن طريق وكيل سعودي معروف والدفع كان عن طريق تحويل بنك الراجحي لمدة خمس ايام بخليج اكادير
اول ليلة كان معي ضيف و فتحنا له غرفة اليوم الثاني مشى وانا كان عندي شغل لمدة ثلاث ايام انام بكير واصحى الصبح لا سهر ولا سمر
المهم جيت اخر يوم ادفع حساب الروم سيرفس الا والطامة غرفة خوينا الاول كانت مفتوحة طوال الفترة و سبحان الله يقولون انه ما شال بطاقته الا الليلة اللي كنت بمشي فيها
المهم كلمت الوكيل السعودي المقلب وعطانا من الكلام الحلو ان كان لي حق باخذه ولو كان من جيبه الشخصي ويحولها لحسابي السعودي صدقته للاسف
رجعت كلمت ضيفنا الاول اسأله ليه ما شلت بطاقتك من اول يوم
قال انه شالها واصلا سافر واذا مو مصدق ارجع للكميرات مشى بنفس الليلة
عطيت الكلام هذا للوكيل السعودي المقلب ونفس شغل المصاررية لا تشيل هم ومن هالكلام
المهم رد علي بعدها بفترة ان الخطأ خطـأءي لاني المفروض انا اروح شخصيا اقفل الغرفة
دريت اني انصب علي لان الفندق كان يكش ذبان فاضي مافيه احد وانا غلطتي اني دفعت لثقتي الغبية بالاخ ايوب

هذا علمي وسلامتكم

كيف تفتح غرفة بخليج أگادير ؟ و أصلا مافيه فتح غرفة

للاسف فيه

فندق جميل الغرف سيء الطاقم ككل من اداره الى كل المناصب بما فيهم الروم سيرفس

على حسب اللي أجر لك

لا اعتقد ان فيه فتح غرفة
والاخ رضا مدير الفندق لا يرضيه هذا الكلام فهو رجل مؤدب جداً و خلوق ولو كان قدرت تصل اليه ماكان صار اللي معك
ع العموم الغلط من الوكيل
و منك لو حجزت من البوكينق افضل لك لان اي شكوى بحق الفندق يوثر على تقييمه و يخافون منه اكثر من السياحه .
تحياتي للجميع

حجز البوكنج لا يصلح له ، بفندق خليج أگادير .
وبالنسبة لفتح الغرفة فأظن كان مقلب لأنه على حسب ما أعرف ما تدفع حساب الغرفة للضيف

فندق خليج أكادير غير سياسته بخصوص ضيوف النزلاء مؤخراً منذ 17 مايو 2021 وأصبح من الضروري فتح غرف

__________________

فندق خليج اغادير لازم فتح غرفه هذا التحديث الجديد
اتوقع الوكيل اللي ما حبيت تذكر اسمه المؤيد
وانت مو مجبور تشيك على بطاقه ضيوفك اذا موجوده او لا الدعوه انهم استغلوك بطريقه جديده لانه هذي الحيله جديده بالمغرب فوجب الحذر للجميع وكويس انك طرحت الموضوع لا ينخدع غيرك

لاتدفع شي وكبر الموضوع تقدر تسوي كدا والا؟
الكل يعرف ان السعودي تحديدا يشتري راحته ويكع بسرعه لكن ماراح يصير شي لو طلب مدير الفندق ثم طلبت الشرطه السياحيه لكن الاغلب يخاف على ايش مدري .
الموضوع ممكن ياخذ منك كم ساعه او يوم بالكثير وبعدها بتوصل لتسوية مرضيه نوعا ما .
النصاب يعرف ضحيته ومايتجرأ الا ع شخص طيب ..خلك سليط تعيش محترم ورب الكعبه اقصد سليط على اللي يمس لك طرف