اول مرة اجرب القطار استفسار

شفت الردود واستغرب من البعض عموما بخصوص الإنتقال عبر القطار إذا وصلت مطار كازا
تنزل تحت عن طريق السلم وتحصل مكاتب تأجير السيارات على يمينك ويسارك وفي الوجه كشك يقص تذاكر
خذ تكت للوجهه إلى تبيها فقط خذ درجه أولى طبعا دامك تبي تروح مراكش لازم تبديل القطار في محطه الدار البيضاء المسافرين ( كازا فياجور) أو محطه لوازيس سعر الإنتقال تقريبا 50 درهم وبعدها تنزل ويجي قطار ثاني المتجه لمراكش ويتوقف في بعض المحطات
الوقت من مطار كازا لمحطه لوازيس أو كازا فياجور نصف ساعه
من كازا فياجور لوازيس لمراكش 3.30 تقريبا
يعني تقريبا خمس ساعات من مطار كازا لمراكش فيها الإنتظار والتنقل والتبديل من قطار لقطار
ملاحظه تقدر تتدفع عن طريق الموظف داخل القطار ويزيد على السعر الأساسي انصح فيها اذا كان فيه زحمه عند الكشك إلى يقص التذاكر علشان تلحق عليه ولايروح عليك الوقت
وإذا تبي الوقت بالضبط والسعر ادخل موقع السكك الحديدية بالمغرب يعطيك التفاصيل