رحلة شايب زكرت للمغرب بعد انقطاع طويل

السكن: مريت على معظم الشقق والفلل الخاصة .. الحقيقه لم اجد منها شي يرتقي لمستوى الشباب السعودي والخليجي من جميع النواحي .. وأما الفنادق المناسبة فهي بالترتيب: موفنبيك فندق جميل مطل على البحر مباشرة وله شاطئ خاص وسعر غرف الديلوكس ١٧٠ دولار والغرف الكلاسيك ١٣٠ دولار تقريبا .. ممتاز ويحتاج سيارة .. وبعده يجي ثلاث فنادق مقابل محطة القطار وبعض غرفها لها اطلالة على كورنيش طنجة، الأول فندق هيلتون واسعاره ١٣٠-١٥٠ دولار وفي قمته بار وجلسه رااايقه .. بعده يجي فندق جولد توليب نفس السعر وفيه بلكونات لها اطلالة حلووه .. شي على طنجة وشي على الكورنيش .. والثالث فندق هيلتون جاردن ٤ نجوم نظيف وممتاز سعره ١٠٠ - ١٢٠ دولار وبعض الغرف لها اطلالة على الكورنيش ..

سكنا فيه بسويت كبير وجميل جدا مطل بشكل كامل على الكورنيش بسعر ٩٥٠ ريال مع الفطور .. طيب والطيور؟ مالك الا تفتح غرفه كلاسيكية لطير وطيرين سوا ب٧٥٠ درهم .. ادفع وريح بالك ..
هذا الفندق هيلتون جاردن انصح فيه بقوة .. ملاص للمول وسوبرماركت مرجان .. وتعامل موظفيه ممتاز .. والمطاعم والكورنيش والفله جنبك مررره .. وفيه مواقف تحته مجانيه وآمنة جدا .. من السيارة إلى الغرفة مباشرة .. بس لا تسوي فيها ذكي وتطلعهم مباشرة للغرف ... لاااازم تمر الاستقبال وتسجل ...
وعلى فكرة يوجد من يقول ان عنده شقق في فندق الهيلتون .. والصحيح انها شقق لملاك خاصين في برج بين فندق الهيلتون وفندق الهيلتون جاردن ولكن الأكيد إن ما لها أي علاقة بالهيلتون وأثاثها عادي جدا وظهر لي أن دخول الضيوف يكون بحذر شديد وبخاشيش لأن معظم سكانها عوائل مغربية محافظة ..

يجي بعدهم فندق فرح في منطقة ملاباطا .. لابأس به لكن ما حبيته.. واللي بيسكن فيه لازم له سيارة .. فندق مجدد يقول انه خمس نجوم بس مستوى الفرش من ٣.٥ إلى ٤ نجوم .. يطل مباشرة على البحر .. وغرفه ب١٠٠ دولار تقريبا .. وفيه شقق دوبلكس غرفتين ب١٨٠٠ درهم وشقة غرفة ب١١٠٠ درهم وثلاث فلل كبيرة اعتقد ٤ غرف نوم ب٥٠٠٠ درهم .. اعتقد هو الأنسب للشباب اللي راعين قرقعه وازعاج.. لأنه آمن وتتعامل مع فندق .. وبالنسبة لدخول الضيوف للشقق والفلل فيه .. ما فيه مشكلة .. بس اكرم العساس ب١٠٠ درهم كل يومين.

وفيه فندق ٤ نجوم اسمه marina bay ب ١٠٠ دولار .. لا بأس به مطل على البحر .. بس موقعه قريب من المنطقة القديمة .. ما حبيته .. ولمحدودي الدخل من الشباب .. انصحهم بفندق كنزي سولازور وفندق الأومنية .. مستوى الفرش ٣ نجوم واسعارهم تقريبا ٧٥ دولار ..

وفيه فندقين مواقعهم جيدة واسعارهم كانت معقولة ولكنهم تحت التجديد بعد انتقال ملكيتهم وسيتم افتتاحهم منتصف العام القادم تلأول فندق سيزار والثاني فندق barcelo فندق الموحدين سابقا.

وفيه ايضا شقق فندقية جديدة غرفتين اسمها pestana cr7 مالكها رونالدو .. موقعها ممتاز جنب محطة قطار طنجة ستفتح بعد شهر تقريبا .. ولها فرع في كازا في كورنيش عين ذياب وفرع آخر جديد سيفتح في مراكش .. حتى رونالدو خق عند المغرب ... ههههههه

الجزء التالي سيكون عن السيارة والمقاهي وأماكن الترفيه في طنجة للولد اللعوب playboy .. هههههه.

تقرير مشوق ياشايب زكرت

واصل واصل منتظرينك

بالنسبة للتنقل في طنجة .. انصح باستئجار سيارة .. والأفضل مثل ما قلنا سابقا الشركات المعروفة دوليا توجد في مطار طنجة وفي وسط البلد .. شارع محمد الخامس بعد دوار النجمة .. زيد شوي فلوس وريح بالك وتعامل مع شركات ما عنها لف ولا دوران .. وأما بالنسبة لي فأخذت سيارة من مكتب أمين للسيارات في وسط طنجة لأن لي علاقة قديمة مع أبوه الله يرحمه .. وصاحبه اسمه أمين وهو بالفعل أمين .. تأخذ من عنده وبالك مرتاح جدا من كافة النواحي المصداقية والسعر المناسب جدا .. ولا ياخذون منك الا قيمة الايجار + مبلغ تأمين يساوي قيمة الايجار .. ويعاد لك هذا المبلغ عند تسليم السيارة .. وبعد يوصلونك للمطار او محطة القطار ببلاش.. اللي يذكر طنجه زمان هذا أمين ولد راعي مكتب الأمين للعقار اللي كان في طنجة ملباطا.. ناس محترمه تدور الرزق وصافي.

طيب وين العالم تروح تمشيات وسهر؟
بالنسبة للسهر .. جميع النوادي الليلية مغلقة بسبب كورونا .. ولا لك إلا التجول في شارع محمد السادس عند ماكدونالد امشب كيلو يمينه وكيلو يساره .. تكي في الماهي اللي على الشارع وبتلقى مرادك .. طيب وغيره .. مقهى ميامي في ملباطا فيه جاجه حلوه .. ومقهى كابتشينو ومقهى rr ice ومقهى lavu في ملباطا .. وغيره؟ المولات بعد فيها للي يفتح عينه خاصة المول اللي جنب الهيلتون .. وبارات الفنادق الهيلتون وفرح وسولازور ومارينا باي .. الخ الخ.

طيب والمطاعم كثيييببر جدا شارع محمد السادس جنب ماكدونالد للمطاعم الأجنبية وشارع محمد الخامس تجاه وسط البلد للمطاعم المغربية .. واهم شي لا يفوتك منطقة مغارة هرقل فيها مطعمين بحرية جيدة ورخيصة ومطاعم إخرى جميله بعد قصر ملكنا الله يحفظه .. وكملها بزيارة لمطل رأس سبارطيل والمقهى الجميل أمامه .. وفي مطاعم ممتازة في الهيلتون والموفنبيك وفندق سولازور .. واللي يبي حمام مغربي ممتاز يوجد gym فاخر او واعر بالزاف ملاصق لفندق رويال توليب بعد فندق الهيلتون ..

عموما طنجة برأي هي الأفضل على الإطلاق بين مدن المغرب .. لفيت جمع مدن .. طنجه بحر وجبل وغابة هواء عليل ووجيه تفتح النفس وتعامل أرقى .. والجميل لو تبي تروح اسبانيا ماربيا وملقا منها.. ساعة ونص بالبحر وانت واصل بتكلف زهيدة ٢٠٠ ريال ذهاب واياب.. سبق جربتها مرتين رحلة ابداااع .. ولو تبيها الطائرة ٤٠ دقيقه ب٥٠٠ ريال من مطار طنجة.

علسلامتك المرضي… تولعت بطنجه ..


Sent from my iPhone using مزاعيط المغرب

ي زين سوالفك
اذا فيه مجال كمل عن طنجه وعطنا كل صغيره وكبيره

فعلاً طنجه بلد جمييل جدا.. تسلم على هذا الطرح الجميل..
جميع زيارتي السابقة كانت لطنجه ولم يسبق لي زيارة اي مدينة في المغرب غيرها

Sent from my VOG-L29 using مزاعيط المغرب mobile app

واصل يا شايب زكرت. كلنا شوق لطنجة ..

Sent from my SM-N960F using مزاعيط المغرب mobile app

واااصل نبي علوم ال playboy وصافي هههههه


Sent from my iPhone using مزاعيط المغرب

انتهت تفاصيل رحلة طنجة وما عندي جديد .. وانا ما زلت في طنجة .. الدنيا هانية والصيد مزيان .. وللدلخ نقول تكي في الكوفي اللي جنب ماك في الطاولات اللي على الشارع او في طاولات ماك الخارجية بعد حلول الظلام .. وللعميان نقول روح لمقهى ميامي المدخل اللي جنب مدخل المطعم وتكي وتنقى على كيفك .. او مقهى فندق مارينا باي .. الخ الخ
وبالنسبة للاستفسارات الخاصة تكون على الخاص ..
وجايكم بعد يومين عن مراكش .. رغم اني ما احبها كمدينة ولا ناسها .. الا إن فيها وجيه طيبه .. اعرف احول ودوه اخوانه مراكش وزانت عيونه ما شاء الله .. هههههههه

تقرير مفصل وشرح وافي ... سلمت يا شايب زقرت
بانتظارك ياعزيزنا