رحلة شايب زكرت للمغرب بعد انقطاع طويل

المشاركة الأصلية كتبت بواسطة شايب زكرت

بالنسبة للتنقل في طنجة .. انصح باستئجار سيارة .. والأفضل مثل ما قلنا سابقا الشركات المعروفة دوليا توجد في مطار طنجة وفي وسط البلد .. شارع محمد الخامس بعد دوار النجمة .. زيد شوي فلوس وريح بالك وتعامل مع شركات ما عنها لف ولا دوران .. وأما بالنسبة لي فأخذت سيارة من مكتب أمين للسيارات في وسط طنجة لأن لي علاقة قديمة مع أبوه الله يرحمه .. وصاحبه اسمه أمين وهو بالفعل أمين .. تأخذ من عنده وبالك مرتاح جدا من كافة النواحي المصداقية والسعر المناسب جدا .. ولا ياخذون منك الا قيمة الايجار + مبلغ تأمين يساوي قيمة الايجار .. ويعاد لك هذا المبلغ عند تسليم السيارة .. وبعد يوصلونك للمطار او محطة القطار ببلاش.. اللي يذكر طنجه زمان هذا أمين ولد راعي مكتب الأمين للعقار اللي كان في طنجة ملباطا.. ناس محترمه تدور الرزق وصافي.



طيب وين العالم تروح تمشيات وسهر؟

بالنسبة للسهر .. جميع النوادي الليلية مغلقة بسبب كورونا .. ولا لك إلا التجول في شارع محمد السادس عند ماكدونالد امشب كيلو يمينه وكيلو يساره .. تكي في الماهي اللي على الشارع وبتلقى مرادك .. طيب وغيره .. مقهى ميامي في ملباطا فيه جاجه حلوه .. ومقهى كابتشينو ومقهى rr ice ومقهى lavu في ملباطا .. وغيره؟ المولات بعد فيها للي يفتح عينه خاصة المول اللي جنب الهيلتون .. وبارات الفنادق الهيلتون وفرح وسولازور ومارينا باي .. الخ الخ.



طيب والمطاعم كثيييببر جدا شارع محمد السادس جنب ماكدونالد للمطاعم الأجنبية وشارع محمد الخامس تجاه وسط البلد للمطاعم المغربية .. واهم شي لا يفوتك منطقة مغارة هرقل فيها مطعمين بحرية جيدة ورخيصة ومطاعم إخرى جميله بعد قصر ملكنا الله يحفظه .. وكملها بزيارة لمطل رأس سبارطيل والمقهى الجميل أمامه .. وفي مطاعم ممتازة في الهيلتون والموفنبيك وفندق سولازور .. واللي يبي حمام مغربي ممتاز يوجد gym فاخر او واعر بالزاف ملاصق لفندق رويال توليب بعد فندق الهيلتون ..



عموما طنجة برأي هي الأفضل على الإطلاق بين مدن المغرب .. لفيت جمع مدن .. طنجه بحر وجبل وغابة هواء عليل ووجيه تفتح النفس وتعامل أرقى .. والجميل لو تبي تروح اسبانيا ماربيا وملقا منها.. ساعة ونص بالبحر وانت واصل بتكلف زهيدة ٢٠٠ ريال ذهاب واياب.. سبق جربتها مرتين رحلة ابداااع .. ولو تبيها الطائرة ٤٠ دقيقه ب٥٠٠ ريال من مطار طنجة.

المشاركة الأصلية كتبت بواسطة شايب زكرت

هلا بك اخوي فهد .. اطلنتيس في كازا.. ههههه .. الله يذكر هاك الزمان بخير .. جيل النخبة الطيبة .. لو اقول شي .. هههه.. انا لحقت حتى على ملهى الوشيطه قبل اطلنتيس .. ايام جميله جدا .. وفنادق اهلا والموحدين في طنجة .. كان بها صولات وجولات .. لا تقارن ابد بالوضع الحالي رغم بساطة الحياة في ذلك الوقت.

المشاركة الأصلية كتبت بواسطة شايب زكرت

من وجهة نظري كازا لا تستحق اكثر من ثلاثة ايام واللي اجازته قصيره يواصل لطنجة او مراكش واقادير مثل كازا ٣ ايام بالكثير .. وبقول لكم ليش بعدين

بالنسبة للأخ عبدالملك١ .. اقول له والله ما خرب المغرب الا الجيل التالي من الشباب اللي ما تعب على الفلوس .. الله يصلحهم ويهديهم .. كنا نقعد اسبوعين في المغرب بخمسة الاف ريال .. واطلق اطلق طير ما تعدى يوميته ٥٠٠ درهم.. وكانت الدنيا هانيه والسما صافيه .. والأمور سهالات .. السيارة ب٢٠٠ درهم .. والفلل ما تعدى ألف درهم .. والفنادق ٢٠٠-٤٠٠ درهم ..