مرحبا يعطيكم العافية
ترددت حيل قبل السفر وكنت معزم على المغرب وحجزت تذكرة الى كازابلانكا ولكن ماكنت مرتاح ابدا بسبب الي سمعته من مضايقات وترصد للسائح الخليجي وغيرها، وشاءت الاقدار ان اتعرف على طير من المغرب قبل رحلتي بفترة وكان هذا الطير موافق لجميع مواصفات الجودة الي ابحث عنها، لذلك اقترحت عليه الغاء الرحلة الى المغرب والذهاب الى اسطنبول وهذا ما حصل.
اسطنبول هذا الصيف كانت مختلفة عن اسطنبول العام الماضي بسبب رفع قيود كورونا بالاضافة الى كوننا في مرحلة تعويض خسائر فترة كورونا وهذا الشيء تسبب في رفع الاسعار بشكل مبالغ فيه، مثال:
الطيران:
الكويت الى اسطنبول 300 د.ك على الخطوط التركية الدرجة السياحية، المغادرة 1 ظهرا والوصول 5.10 مساء
كازابلانكا الى اسطنبول 355 د.ك على الخطوط المغربية الدرجة السياحية، المغادرة 10 ظهرا والوصول 4.40 مساء
الفنادق:
غرفة ديلوكس في فندق سي في كي مع اطلالة على البحر تكلفتها 120 د.ك لليلة (العام الماضي كانت بالتسعينات ان ما خانتني الذاكرة)
سويس اوتيل غرفة ستاندرد 150 د.ك (العام الماضي بحدود 100)
الريتز كارلتون يبدا من 120 د.ك ايضا وهلم جرا، اقل غرفة (محترمة) ممكن تحصلها بموقع (جيد) راح تكون بحدود 90 د.ك (العام الماضي كانت تبدا من 40)، لذلك بالنسبة للسكن هي قاعدة عامة: يمكنك اختيار اثنين فقط من الثلاثة في هذه اللستة (موقع مميز - جودة وخدمة مميزة - سعر قليل) ولكن الفرق ان هذه السنة ارتفاع الاسعار وصل الى نسبة 100% في بعض الاماكن، ونتمنى ان تكون هذه فقاعة مؤقتة.
الاختلاف الثاني هو
الزحمة بشكل لا يطاق، حتى في زحمة السير الناس راح تصطدم فيك وخصوصا في شارع الاستقلال وميدان تقسيم وما يجاورهما هذه المناطق راح تكرهك في شي اسمه تمشي من كثرة الزحمة فيها، آيا صوفيا ما قدرنا ندخلها بسبب طول السرا، باختصار احسب حساب الزحمة الشديدة جدا وانتبه لاغراضك ولا تتأنق زيادة عن اللزوم وتفتح شهية الحرامية عليك.
التاكسي:
لا تاخذ تاكسي، لا تاخذ تاكسي، لا تاخذ تاكسي (اللهم هل بلغت؟)، ممكن ما تتعرض لمضايقات او نصب مع الاول او الثاني ولكن استمرارك باستخدام التاكسي بدون ما تكون حذر ومفتح طول الوقت معناها راح تتعرض لمشاكل انت في غنى عنها، وهذي بعض اساليب النصب والمضايقات في التاكسي:
تطبيقات التوصيل مثل اوبر وبي تاكسي: اذا كانت المسافة قليلة او زحمة راح تلقاهم يرفضون توصيلك من الاساس وكل واحد فيهم يلغي الطلب ولا احد يستقبلك، في حالة احدهم وافق راح يكلمك بالرسائل ويطلب مبلغ زيادة، مثال يعني تفتح تطبيق اوبر وتحدد المسار يطلعلك بالتطبيق ان سعر المشوار 100 ليرة، سايق التاكسي راح يدخل عليك بالرسايل الخاصة داخل تطبيق اوبر ويقولك عطني 300 ليرة، واذا رفضت راح يكنسل الطلب وراح تضيع وقت واحتمال كبير تضطر تدفع او تدقها كعابي والله يعينك بالحالتين
تطبيقات التوصيل: يوصلك التاكسي الى مكان قريب ويتعذر انه مايقدر يوصلك لنقطة الوصول بسبب الزحمة او ان الشارع مسدود وغيره، راح تنزل انت على نياتك وتروح مشوارك وتتفاجئ بعدها ان المبلغ الي ينخصم منك (او الي تدفعه كاش للرحلة القادمة) اعلى من الي كان مكتوب بالتطبيق، والسر في هالحركة ان سايق التاكسي ما وصلك لنقطة الوصول ولا انهى الرحلة وبهالحالة المشوار ما انتهى ولا يزال شغال على التطبيق، ويقدر يروح ياخذ لفة طويلة وبعدها يوقف عند نقطة الوصول وينهي الرحلة وبهالحالة يحسب عليك مبلغ اكبر.
العداد: تتفق معاه على العداد ويقولك اوكي تمام، راح تركب معاه وياخذ معاك لفة طويلة عريضة، انت طبعا ذيب وما تطوفك هالامور تقوم تفتح الخريطة على قوقل وتوريه، يقوم هو يقولك لا الشارع هذا مسكر او فيه زحمة الحين، وتلقى حساب العداد يطلع عليك 3 اضعاف
مثال من اليوتيوب (افتح الترجمة)
تبديل الكاش: مثلا يقولك المشوار يكلف 100 ليرة تقوم انت تعطيه 100 ليرة، هو يكون مجهز 10 في يده ويبدلها بسرعة ويقولك انت عطيتني 10 مو 100 ليرة، تقوم انت اما بحسن نية او محاولة تفادي للمشاكل تدفعله 100 ليرة ثانية، وبهالطريقة يخليك تدفع دبل المبلغ الاساسي، الحل بسيط وسهل: قبل ما تعطيه الورقة بيده طلعها له وسو نفسك غبي واسأله (هذي 100 ليرة صح؟) لما يقولك اي بهالحالة تعطيه الفلوس وتاخذلك مسبة سريعة على الطاير لكن عاد اعتبرها ضريبة تفادي النصب.
شايف ان التاكسي عوار راس وتبي بديل؟
المواصلات العامة سواء المترو او القطارات او حتى العبارات، تشتري بطاقة اسطنبول وتستخدمها والتنقل بسيط وسهل وسلس ولا يتأثر بزحمة سير ولا هم يحزنون، تكلفة الشخص الواحد تقريبا 7 ليرة لكل محطة تستخدها وتقدر تفتح الخريطة في قوقل ويحددلك اي قطار تركب ووقت الوصول والمحطات الي راح تمر عليها والي تنزل فيها والتوقيت، وفوق هذا محد ناصب عليك ولا يزعجك
اسئلة متفرقة:
هل يكرهون العرب؟
نعم يكرهون العرب ولكن انت رايح سياحة منت رايح تناسبهم، الاماكن الي تروحلها كسائح ما يهمها الا ان بطاقتك البنكية شغالة
اماكن سهر وهيصة؟
ماني حولها ولا انصح فيها باسطنبول (خصوصا) اذا اللافتات بالعربي
الصيد؟
عائق اللغة مشكلة كبيرة مع الطيور التركية لان حتى تطبيقات الترجمة ماراح تنفع معاهم، وهذا الامر يجبرك على الاتجاه للطيور المهاجرة المستهلكة الي تجاوز عدادها ال30 الف وصارت تعتمد على النفخ والتفخ وعمليات التجميل (وانا اسميها عمليات تشويه) وفوق هذا تطالبك باسعار لا يدفعها الا الخبل الي ماعمره شاف طير. في السابق كان الصيد سهل عن طريق خريطة السناب ولكنها حاليا ممنوعة في تركيا لذلك يجب اللجوء للصيد التقليدي (وهو الافضل بوجهة نظري)
دخول الضيوف:
اي فندق من 4 نجوم وطالع المفترض ما يكلمك نهائيا سواء معاك ضيف او عشرة، وهالشي ينطبق ايضا على العصير والاكل من خارج الفندق، اذا كنت تبي تقعد مع الطير (لا تروح لمكان الطير) خل الطير يجيك الفندق وخل الرسبشن يسجلون اسمه حماية لك. اذا تروح للطير مكانه حط في بالك احتمال كبير تلقى ثلاثة بوجهك كل واحد كبر الباب يسطرونك ويسحبونك للبنك تفضي بطاقتك ويقطونك بالشارع، الحذر ثم الحذر.
مساعدة الاخرين:
للاسف مضطر اقول هالكلام: لا تساعد او تكلم اي شخص سواء وقفك في الشارع او شفت اغراضه طاحت منه او حتى طفل يبجي بنص الشارع، لا تتعاطف مع احد نهائي لو تشوف احد يموت قدامك اتركه وامش، هالكلام ماهو قسوة قلب ابد لا والله، انما بسبب استغلال الناس الي ما عندها ذمة لطيبة الناس واستخدامها كمدخل لاستعطافهم ثم كسب المال او حتى سرقته، ثق تماما انك لو شفت طفل يبيع ورد واشتريت منه بدافع التعاطف، انك راح تخلي ابوه يشغل باقي اخوانه في الشوارع يبيعون ورد لان الاستعطاف جايب نتيجة، المحتاج خله يتجه الى اللجان الخيرية، انت كسائح ماهو شغلك انك تكون مصلح اجتماعي ولا لجنة خيرية بديرة ماهي ديرتك، والقرار قرارك بالنهاية.
المطاعم والكافيهات والبارات وغيرها:
في السابق كان خيارنا الوحيد هو سؤال الاصدقاء او الاهل الي سافروا قريب عشان نحصل توصيات، او باسوأ الاحوال تسأل الرسبشن في الفندق، الحين الله معطيك تلفون تقدر تدخل فيه على كل مكان بالخريطة وتشوف تجارب 1000 شخص قبلك وتحكم بنفسك، لذلك نصيحتي لك لاختيار اي مكان هي كالتالي: لا تدخل اي مكان مو موجود على خريطة قوقل، متوسط التقييم المقبول هو 4.5 على قوقل ولا يقل عن 50 شخص، اذا كان 4 فهو سيء ولا تدخله، اذا كان قريب لل5 امورك بالسليم. طبق هالقاعدة وانا اضمنلك ان نسبة المشاكل الي بتتعرض لها بتكون اقل من 1% سواء في تركيا او العالم كله، ولا تنسى ايضا تكتب تجربتك في كل مكان تزوره من باب دعم الاماكن الجيدة وتشجيعها، وتأديب الاماكن السيئة وتحذير السياح منها.
اتمنى كنا مفيدين واذا كان في اي سؤال اضافي نحن بالخدمة
2022-08-22, 07:17 PM
العرض العادي
الدرهم المغربي مقابل عملات الخليج