ايجار سياره مع سائق

مسيتو بالخير يا مزاعيط

ودي استأجر سياره مع سائق في مراكش

انعرض علي مجموعة من الاسعار وابغى رأيكم - هل هي مبالغ فيها او مقبوله

ناس تقول 600 درهم يومياً وناس تقول 630 درهم وناس تقول 650

طبعاً السائق معاي 24 ساعه وعداد مفتوح

نوع السياره صغيره وديزل
شرايكم في الاسعار

مافيه شي أسمه 7/24/24
أنسان يحتاج أكل ونوم وراحه
أذا تأمنها له بيكون معك
لو فكرت فيها من زاوية المشاوير
عندك من والئ المطار
كذلك للسهره ومنها للسكن
أذا مروق بتطلع بعد المغرب او العشاء لفه وتمشيه
وترجع للسكن ومنه للسهره مشوارين في مشوار
طلع عليك أكثر من بيع السوق

أستأجر سياره وريح بالك

الأسعار مناسبه لكن أعطيتك الزين لك

يعطيك العافيه اخوي

طيب بسألك عن شركة ( كريم - أوبر ) هل تعمل في مراكش ؟؟

ياليت تفيدوني بالتفصيل

ولايهون عين دار
الفرق بين ٦٠٠ و٦٥٠ عشرين ريال في اليوم
المهم اذا تبي تريح راسك خذ سواق واسهر على كيفك محد يقدر يكلمك.

عندي سياره بسائق سياره اكسنت جديده ياخدك من مطار الي مراكش يضل معاك 24ساعه 400درهم

ممكن رقم السائق على الخاص

ممكن رقمه

مرحبا، يرحى التواصل معي في الخاص

من وجهة نظري ما في داعي للسائق الخاص سوق انت واستمتع بالقيادة الا اذا عندك اسبابك الخاص ..بالتوفيق

تذكر عند أخذ سائق مع السياره الآتي :
- خل العلاقه بينك وبين السائق علاقة شغل واحترافية فقط لتفادي الاحراج معاه
- جرب عمله لمده ٣ ايام فقط وبعدها يعتمد علي أسلوبه بالقيادة ومزاجك انت
- لاه تدفع القيمة او اي مبلغ مقدما نهائيا يمكن محاسبته يوميا او كل ٣ ايام
- خل عينك علي البنزين ومستواه لأنك انت ايلي راح تدفع المفروض مره تعبي كل ٣ ايام حسب مشاويرك بمراكش وليس خارجها
- لاه تطلب من السائق توصيل او احضار اي طير ... خاصه بعد السهرات انته موو ناقص مشاكل
- لاه تركب معاك اي طير بالسيارة بتاتا مهما صار
- فهم السائق علي أماكن السهر المفضله لك عشان ما يسألك كل يوم وين ويزعجك
- تذكر انه السائق هو يشتغل عندك وليس العكس ... يعني تتصل عليه والمفروض يحضر بسرعة لك وله يتاخر ويعتذر بازدحام الطريق
- ما عجبك اُسلوبه صرفه وعطه حسابه وشوف غيره لاه أتدخل الطبيه والعطف
للأسف صعب أتحصل سائق أمين ... وإسعارهم من 450 ليه 500 درهم بس مو اكثر والسيارة لازم جديده
وبالتوفيق ....