تناسيني

تناسيني بنفس الموعد اللي به ذكرتيني
أنا ما أقدر أعيش اللي بقالي من العمر بأوهام
تناسيني

عبس وجه الزمان و زاد لومه لا تلوميني
طغا جور الهوا و انهى سنينٍ من صبر و أحلام

طلبتك كان لي في داخلك بعض الغلا اجفيني
ترى حَر الجفا أهون كثير من الوهم لو دام
تناسيني

سلام الله على وقت مضى و ماصار به فيني
خذا ضي القمر و الشمس ما قد شعشعت من عام

هناك بعيد ويا الشوق ضنيني و حبيني
هنا لا تقربي ضاق المكان بزحمه الأقدام
تناسيني

هواي العف يا أسمى القصايد في دواويني
أنا لي قلب ما يقوي يضيم و لا يبي ينضام

تخيرت أبتعد و الصمت و الوحده عناويني
و إذا ودك تزوريني تعالي بس بالأحلام

كلمات اسير الشوق : الأمير / نواف بن فيصل بن فهد .

مافيك حيله ههههه
الربع صارو يهلون قصايد واشعار اشهد انه وضعكم مايطمن وانا اولكم ههههه
نحتاج شيخ محترم يقرا علينا يفرمتنا يشوف يمكن فينا بلا

السحر.الطبيعي مابه طب ياخوي النمله اخاف نروح لشيخ ويصف معنا. هههه


أرسلت بواسطة iPhone بإستخدام مزاعيط المغرب