خيبة امل كبيره في باكو .. النصب و الإحتيال بجميع انواعه و فوقها غلى الاسعار

تشكرات افندم
عطيتنا تجربتك والصراحه احييك والله
صديق لي اسمه حوسني لساته جاي من باكو وهو يزورها كتير ويمدحها مرره عكسك
لكن الانسان يذكر مايواجه

لاطبل لاي دولة ولااي شخص

سكنت في باكو وقابالا وقوبلا وغيرها لم تواجهني اي معوقات الي ذكرها اخونا

نصيحة في بلد ماتعرفها اسكن فندق افضل لك الين تتمكن

صحيح في ناس اضعف نفس يقابلونك في شارع نظامي يستدرجونك عشان تاخذ شقة

بس الشخص المنتبه مايفوته شي

انت صح وانا كمان رحت باكو مره ماشفت حاجه والله من اللي ذكرها بالعكس كلشي معايا ميه بالميه بس صاحبنا حظه سيء وجاته مواقف ورى بعض

شكرا اخواني ظاري و الكابوس على الردود و المشاركه .

هنا انا عرضت تجربتي و ليس بالضروره ان يوافقني الجميع على ما طرحت و ليس غرضي هو تشويه صورة بلد .. انا اضع تفاصيل عشتها بنفسي لم يسبق ان عشتها في بلد اخر ..
هل هو حظ سيء ؟ لا اعتقد .. هل هو سوء اختيار ؟ ايضا لا اعتقد .. هل سوء ترتيب ؟ لا يمكن .
شقق من فئة 5 نجوم غير موجوده اصلا، ناس يتواصلون معك ما تعرف منهم ، اكثر من سائق يقول اجي اخذك من المطار !!، صاحب مكتب سياحي يلغي حجزك في بوكينق و يسكنك في شقه قديمه و يطلب الحساب كاش ، مقهى عربي صغير في وسط اكبر شارع عندهم يضاعف عليك الحساب و من خلال المنيو ، شركة تاجير سياره تعطيك سياره بدون فرامل ، مطعم في قبالا يدفعك 3 اضعاف الفاتوره ، موظف في محطة التلفريك يتعامل معك بطريقه عنيفه و غير مقبوله ، بوليس نصاب عللى الطريق تتوقع انه ياخذ منك فلوس لو حصل انك تجاوزت السرعه المحدوده بعذر انه راح يلغي المخالفه من نظام الكاميرات ( هذا كلام شركة تاجر السيارات ) ، طريق طويل بلا خدمات مثل المطاعم و المقاهي، و ان وجدت مقهى داخل قريه بعيدة عن الطريق الرئيسي يقول لك ما فيه كاسات ورق تاخذ فيها القهوه و الشاهي، بقاله عالطريق الطويل تنصب عليك ب 10 اضعاف السعر الحقيقي للمشتريات ، سواقين بولت زعلانين منك طول الوقت و لا يتكلمون معك و لا يبتسمون، فندق 5 نجوم يسكر السماعه في وجهك، فندق 5 نجوم ما فيه غلاية مويه .
هل هذا حصل معي لوحدي او انه موجه لي لوحدي ؟ مستحيل
هل هناك اشياء ايجابيه نذكر فيها هالبلد ؟ نعم
اهم شي ايجابي هو ان الشعب كل واحد في حاله و لا يتدخلون فيك و لا يهتمون في امرك وهذا شي مريح، ايضا البلد فيه تقدم عمراني ملحوظ ولكنه اقل من ما توقعت ، بعض اصحاب المطاعم و المقاهي ودودين و طيببن حتى لو لم تجلس عندهم .
خلاصة الامر : قد يكون الكثيرين منكم مرتاح للبلد و لم يصادفه اي عائق مثلما كانت بعض الردود، ولكن ربما انا الاحظ و ادقق اكثر و اقيم التعامل و الخدمة التي اطلبها بمنظور اخر، ربما تجربتي في السفر و السياحه في بلدان كثيره في العالم رفعت عندي مستوى التوقعات في هذا البلد خاصة انه اصبح عليه اقبال خليجي في السنوات الاخيره، و ربما ان الهدف من الرحلة كان له دور حيث كانت رحلتنا للاستجمام و تغيير الجو لمدة 5 ايام دون ان يتخللها سهر او ما شابه .. ننام 10 او 11 في الليل و نصحى 8 او 9 نروح نفطر و نتمشى و نرجع العصريه نريح شوي و على 7 او 8 ننزل نتعشى في نظامي و بعها نشوف لنا مقهى نشرب فيه الشاهي و بعدها بيتك بيتك.
احد الاصدقاء يمدح البلد و يقول انه راح هو و زوجته و من ضمن الفعاليات الجميله انه حجز رحله لقابالا من المدينة القديمه ب 90 منات للشخص و راحوا الصباح في باص مع الطريق المكسر و قضوا 5 ساعات حتى وصلوا قابالا و راحوا للبحيره اكلوا عليها مشويات ضمن السعر و رجعوا في نفس اليوم لمدة 5 ساعات محشورين داخل باص صغير و يقول انه انبسط و قضى يوم جميل، 10 ساعات في طريق مكسر في باص قديم مع ناس ما تعرفهم و زوجتك معك و تروح تاكل مشويات على بحيره صغيره عند جبل و تقول لي رحله جميله !!! كل شخص حسب تقييمه و نظرته لما يحصل عليه .
تجربتي في تركيا تختلف تماما عن هالبلد، من 15 سنه اتردد على تركيا و لم اواجه مشكله حقيقية، زرت كل المدن الرئيسية تقريبا و مشيت بالسياره الاف الكيلومترات غربا و شمالا و شرقا و غربا، بالعائله و مع اصحابي، نادرا ما اجد شي مختلف عن ماتم الحجز عليه، سكنت فنادق كبيره و صغيره و بيوت و شقق و موتيلات عالطريق، حتى البوليس سامحني في 3 مرات مخالفة للسرعه عالطريق السريع مع العلم انه مسك الاتراك و خالفهم، الخدمات متوفره في كل مكان و اغلب الناس اللي تعاملت معهم موثوقين و صادقين و دائما اجد افضل من ما كنت اتوقع، دائما يكرموني و يتعاملون معي بطيبه و صدق و موثوقية. اسوأ تعامل في تركيا وجدته من العرب اللي يعملون في السياحه او الترجمه احيانا او في الترويج للعقارات و غيرها و خاصة اسطنبول، هل هناك نصب في تركيا ؟ ممكن ، هل هناك من واجه مشاكل و الغى رحلته و رجع ؟ فيه. اغلب المشاكل اللي سمعت عنها في تركيا ان السائح يعتقد انه في شرق اسيا، يبغا ناس ناعمين و ينثنون له و كل كلامهم سير وكلهم لطافه. الاتراك جلفين و لكن يعطونك حقك و اكثرهم جلافة سواقي التكاسي في اسطنبول بالذات. هذا للمقارنه فقط من حيث التعامل و الخدمات السياحيه بين البلدين.
تقييمي للبلد بشكل عام من 10:
الامان 7
النظافة 7
الخدمات السياحية 5
التعامل 5
المطاعم و المقاهي 4
الاماكن السياحيه 4
التسوق 4
المواصلات و التنقل 5
الخدمات عالطرق 2
هل فيه شحاثين و طلب بخشيش و ما شابه : قليل ، المطاعم اغلبهم يطلب بخشيش
هل انصح شخص اخر بالسفر لاذربيجان : لا
هل ساكرر السفر اليه : بالتاكيد لا
هل تاخذ من هالبلد مقابل ما تدفع value for money : لا

مادري ايش ارد عليك

بس شكلك اكلت مقلب قوي

صحيح خدمات عندهم ضعيفة بسبب تردي الحال البلد ((اقتصادي

هذا موضوع عن هالبلد في موقع اخر حصلته بالصدفه و يحكي جزء من ما حصل لي
????? ????? ????? ??? ?? ????? ?????? ????????? - ???? ???????? ??? ???????

الله يعوض خسايرك في مالك ووقتك ..
باين لسى ماتخطيت
الصراحه وبدون تجميل للحكي زرتها وماوجهتني اي مشاكل في سكن او غيره
انذكر مواقف بسيطه بزيادة في فاتورة مطعم مره ومره مع صاحب تكسي حق انفنيتي واكتشفت انه نظام عندهم ضيوفك لازم يركبوا في تكاسي المكان
مافيه بلد مثالي حتى مكة انسرق فيها ناس
فيه بشر يعني فيه مشاكل والواحد اذا سافر يحتاط ويضبط اموره بدري في اهم شغلتين سكن ونقل والباقي تجي معك
تجربتك ياصديقي سيئة حسب ماذكرت
تجاربي انا وصحابي السته رائعة جدا مع اني مو زيهم فيه صديق لي اسمه خالد زاره ١٢ مرة خلال ست سنوات ويروح عزابي وعوايل والمشاكل كاينة اذا مارتبت وضعك