من جرب هذه الفنادق في مراكش قريبا

السلام عليكم
بعد ما عرفنا ان الوقت والجو مناسب لزيارة مراكش
السؤال : من جرب هذه الفنادق بمراكش قريبا
1 - فندق صافوي الكبير اللي جنب المناره مول
2 - فندق موفنبك المنصور اللي جنب قصر المؤتمرات
3 - فندق ميريديان .. رغم انهم رافعين السعر مادري على ايش
وإذا هناك فنادق بمستوى هذه الفنادق لا نستغني عن ذكرها تراني قست المستوى بالسعر والتقييم ربما بعضها لا يستحق
/
بالنسبه للمنتجعات لا اميل إليها لكن ناخذ فكره ربما نغير الرأي
ماهو اقرب منتجع للمدينه واسعاره لأن بعض المنتجعات لا يوجد لها اسعار على مواقعها بالنت
بالنسبه لمنتجع ( اليفر بالم ) اللي بعد دوار الكرن .. من يحدث لنا اسعاره مشكورا
هذه الأسئله ولكن لا نستغني عن آرائكم ابدا انتم الخبره وانا لها محتاج
شكرا لكم مقدما

ابعطيك جواب مختصر جدا مراكش سياحه =الروزن قاردن مراكش يقام فيها شهريا مؤتمرات ومحافل عالميه هذي الفنادق تخصهم حتى الاجانب ينفرون منها المنتجعات يحلبونك حلب ونت بكيفك

الروز قاردن عبارة عن مدينة اشباح مايسكنه الا المرجوج لانهم يخلون الناس كلها على راحتها والظاهر سفرتي الجايه بسكنه لاني مرجوج شوي ههههههه
الاوليفر نظيف ومكان غالي شوي وكلاس لن تجد فيه اوباش
نصيحتي لك خذلك شقه وافلح ترا شققهم اللي ياجرونها لنا تكون كلاس وسيفتي وامان وحراسه لاتحاتي

انا صراحه معشعش بالنخيل لكن مره وحده جيت مراكش بدون سابق انذار وكانت الرحله اسبوع الدنيا كلها كانت زحمه لانه كانت عطلت الكويتيين السواق كان يقولي شقه افضلك قلت لا رحت فندق امبريال فندق بسيط قريب من كل شي لكن شوي متواضع لكن ماتفرق معاي وعطوني غرفه تطل عالمسبح كبيررره فيها سريرين كنج بشوشين وتحت فيه مقهى يجيبون مطرب شعبي وفيه مطعم لكن كلها تقفل بالليل المقهى يقفل الساعه ٢ وكل ماجبت طير فتحتله غرفه ب٥٠٠
لكن يوم رجعت اللي جنبي كلهم ماخذين شقق ويقولون سيفتي مضبوط يعني المره الجايه احتمال اخذ شقه

هلا براعي مراكش
والله يالحبيب المنتجعات اغلبه ما يناسبني والسبب ( حنا ) ؟؟
يناسبني منها حسب ما عرفت من الأخوان وشفت بالنت اليفر بالم وبالم ايدج لكن المشكله بعده عن المدينه
فالقرار اصبح على احد الفنادق اللي انا ذكرت رغم انها مقاربه للمنتجعات بالتكلفه لكن القرب يشفع لها
خصوصا ان المده قصيره إسبوع فقط من غير ايام السفر .
اما من ناحية السياحه مراكش ماهي ازين من طنجه ولا ازين من اقادير على صغرها
ومجيئي لمراكش فقط ابي اشوف هاللي تقولون ... ؟؟؟؟
الف شكر لك ياعزيزي وتحيه

هلا بالحبيب
والله يالحبيب لو المده طويله ما سكنت إلا في اليفر بالم او بالم ايدج لكن المده ما تسوى التردد والتكاسي
اما الشقق ماتناسبني بصرف النظر عن مستواها وعن الأمان المغرب كله آمن إن شاء الله ولا من محاتات
القرار صار على الفنادق ونشوف ديرتك من قريب ونحكم على ماتقولون من جمال ..؟؟؟
الشكر لا يكفيكم جميعا اعزائي
فقط ننتظر لعل فيه احد جرب الفنادق اللي ذكرت قريباً