طلب مشوره في الزواج من المغرب او جنسية اخرى ..

السلام عليكم ورحمة الله وبركاته

ياشباب انا شاب سعودي (مطلق) عمري ٣٨ سنة ، موظف حكومي مدني ، لا اشكو من شي ولله الحمد
سوا ان متطلبات الزواج عندنا اصبحت صعبه ، سوا في ارتفاع المهور و تكاليف الزواج الآخرى ومتطلبات الزوجه قبل وبعد الزواج والتشرط وتغير المجتمع عندنا للآسف (من ناحية تكوين الاسره والآهتمام في بيت الزوجيه) و و و و ….الآمور الباقيه اللي ماتخفاكم .
قررت الزواج من الخارج ووقع الآختيار بين ( المغرب و سوريا ) على الرغم كثير يرشح المغرب ، وانا لا اعرف شي عن المغرب ولا اهل المغرب ولا طبعهم ولا كيف اعرف العوائل المحافظه والمحترمه ولا عمري جيت المغرب بحياتي، ف كثير آسآله تجعلني متردد ، ف آرجو من آهل الحكمه والراي نصحي وتوجيهي بما ينفعني ، واذا كانت الاجابة بالتأييد أن تدلوني على الطريق الصحيح والسليم خصوصاً في اختيار العوائل المناسبه
وشاكر وممتن ومقدر جهودكم.. تحياتي

عليكم السلام اول شي ارحب فيك وحياك الله بين اخوانك وانشالله انه بنفيدك باللي نقدر عليه
اولا موضوع مصيري نفس هذا اتمنى ماتاخذ الاراء في هذا المنتدى على محمل الجد معى احترامي لكل عضو في المنتدى واحد واحد لانه ياطويل العمر اللي بالمنتدى اكثرهم لهم بالجانب المظلم في المغرب يعني لهم بالمختصر صولات وجولات معى طيور الظلام وانت فاهم قصدي يعني ماراح يعطيك المعلومه الزينه او بيدخل في قلبك الشك والريبه لانه ماجرب الزواج بمغربيه فانظرته تختلف
وجهت نظري تقول انك اخترت افضل بلد من البلدان الخارجيه لانه المغربيه تتكيف معاك مثل ماتحب وتطيعك وفيهم ميزه تحترمها تحترمك انا اقول توكل على الله وروح دور وادخل بينهم وعيش اجوائهم يعني يبيلك سفرتين وثلاث عشان تنقي شريكة حياتك واراهم نفس ماقلتلك بيتوتيات ومطيعات ويبون يعيشون اعرف اثنين متزوجين مغربيات حياتهم عسل وعيالهم نظافه وادب توكل على الله واقدم خصوصا انه عمرك ٣٨ قريب من عمري وحنى بالعمر هذا ماعاد فينا نبي الراحه والاستقراق والانسه

الله يبقيك ويبارك فيك
اشكرك على التنويه والتنبيه ، لا والله راعين الجانب المظلم الله يستر علينا وعليهم معفيين عن الاجابه ، ومانزكي أنفسنا ، وعسى الله ييسر الامور ,
لكن مثل مانت عارف المغرب كبيره وحسب ما قرأت ان فيها عروق مختلفه امازيغ وعرب واندلسيه ولا اعرف وش الفرق بينهم هل المذاهب تختلف هذي من ناحية ؟
ومن ناحيه أخرى مافهمت كيف يوم تقول يبيلك سفرتين ثلاث وادخل معهم ، يعني اخش بعينه من الشارع واقول تزوجوني :)
والشي الثالث طبيعي الواحد يبحث عن الجمال من العوائل المحافظه والمحترمه ، فا اكيد ان لهم مناطق معينه ، عشان كذا ودي اروح على وجهه ، صعبه اني بسافر مرتين ثلاث تكاليف ومصاريف واللي يقول كنك يابو زيد ماغزيت ،
لكن لعل احد الاخوان اللي له تجربه مع ( طيور النهار ) يفيدنا :)

كلهم مذهبهم واحد مسلمين سنه وفيه اقليات نصرانيه ويهوديه
وبخصوص الجمال الحين لو قلتلك عطني مدينه بالسعوديه مشهوره بالجمال بعضهم يقول الشمال وبعضهم يقول الجنوب وبعضهم الشرقيه الجمال ماهو حكر على مدينه معينه كل مدينه وفيها كذا وكذا وانا قصدي لما اقول ادخل معهم يعني عيش اجوائهم صل في مساجدهم شوف البنات اللي يصلون اسئل شيخ المسجد عن البيوت المحترمه تراك بتختار زوجه ماهي سياره لو تبي تختار سياره بقولك تايوتا ممتازه وعمليه بس خوفي تحب تركب البي ام ههههههه بيتعبك خرابات

عليك بالارياف مثل ضواحي مراكش امزميز وحولها وابعد عن العرب بالشمال سواء شمال السعوديه او شمال المغرب