اول سفره للمغرب

السلام عليكم ورحمة الله وبركاته

اخواني انا بصراحه هاذي اول مشاركه لي بالمنتدا وسجلت من اجل الاستفاده ياليت تفيدوني انا مسافر للمغرب نهاية شهر 11 هجري واول مره اروح للمغرب عددنا خمسه وناوين مراكش لاكن بصراحه بحثت في المواضيع وفي النت لقيت فيه سكن النخيل بس غالي سعره ياليت اللي عنده نصيحه من اهل الخبره واللي راحو يفيدوني نبي سياره اجار من مطار كازا وش تنصحوني فيه وبطلع عليها لمراكش مراكش كم تبعد عن كازا وش افضل سكن في مراكش ويكون سعره معقول وامان واخذ راحتي فيه الله لا يهينكم بالله اللي عنده معلومه يقولها والله يوفق الجميع

السلام عليكم ورحمة الله وبركاتة ،،،،

الله يوفقكم ويسر امركم ،،،
وان شاء الله المزاعيط مايقصرون يفيدونك ويفيدونا كذلك،،،،
انا رايح بداية شهر 11 هجري بس كازا ..... مو مراكش،،،،،

واللي يقدر يفيدنا في السكن اكون لة من الشاكرين علما اني ابي فلا اربع غرف،،،،
ياليت يراسلني على الخاص،،،

اخوي تقبل مروري وشكرا للمزاعيط،،،،،،،،،،
: (214):

هلا بك ياجديد. والله وعرفت تختار البلد

المغرب بلد مضياف وحبوب ولامنه غير الطيب وراح ترتاحون

بالنسبه لعددكم فراح يكون الاجار شوي غالي لان اغلب الماجرين يحسب عالشخص

وانتو خمسه راح تلقون فله خمس غرف بحدود ٢٠٠٠ ريال او اقل او اكثر بشوي

مراكش تبعد ٤ ساعات واقل بس الطريق حلو ومحمس

وانصحكم بسياره من المطار بتلقون بسعر ٣٠٠ درهم ١٥٠ سعودي

وكلها بتاخذ راحتك لاتخاف بس اكرم الحراس. : (145):

انشاء الله تكون اموركم تمام ولاكن انا اقولك السياره لازم تاخذها بتأمين انتبه تاخذ سياره بدون تأمين ودامك اول مره تروح للمغرب خذ بالك من السرعه واهم شي الانعطافات ترى اكثر الفتحات ما يجوز تخش معاها .

اما المغرب ااااه من المغرب بس انا اقول حكم تجربتي بالمغرب اقول اربعه كثير ويمكن ما يزبط الجو معاكم حسب نظرتي انا وانا سافرت كثير للمغرب ما زبط معايا الا نكون ثنين .
على العموم لو احد\ فادك بمراكش فدني معاك يا عسل .: (721):

الله يعطيكم العافيه علا المرور لاكن انا يشباب ابي واحد راج لمراكش يفيدني اكثر واللي يعرف ارقام فلل عناوين حلوه الله يعطيكم العافيه: (75):

اقتباس:

المشاركة الأصلية كتبت بواسطة جديد المغرب

السلام عليكم ورحمة الله وبركاته

اخواني انا بصراحه هاذي اول مشاركه لي بالمنتدا وسجلت من اجل الاستفاده ياليت تفيدوني انا مسافر للمغرب نهاية شهر 11 هجري واول مره اروح للمغرب عددنا خمسه وناوين مراكش لاكن بصراحه بحثت في المواضيع وفي النت لقيت فيه سكن النخيل بس غالي سعره ياليت اللي عنده نصيحه من اهل الخبره واللي راحو يفيدوني نبي سياره اجار من مطار كازا وش تنصحوني فيه وبطلع عليها لمراكش مراكش كم تبعد عن كازا وش افضل سكن في مراكش ويكون سعره معقول وامان واخذ راحتي فيه الله لا يهينكم بالله اللي عنده معلومه يقولها والله يوفق الجميع

وعليكم السلام

حياك الله يا غالي

بخصوص السكن شوفوا لكم فله او شقتين بنفس الدور جنب بعض

شقق دوبلكس النخيل الدرقاوي 2312 للشقة الواحدة تتسع لثلاثة اشخاص

وانا افضلها على الفله اوفر واكثر اتساع

انصحك تاجر من المطار او يوجد عرض بالمنتدى تأجير سيارات ممكن تتفق معه على السعر

ومكان التسليم والاستلام

وتحياتي لك يا غالي

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

المسافه بين كازا ومراكش تقريبا 270 كيلو

ساعتين ونصف بالسيارة القطار 3:30 تقريبا

وتحياتي لك

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

مساء أو صباح الخير ... سؤال سريع ... كم رحلة قطار بين مراكش وكازا في اليوم؟

تحياتي ،،

اخوي اذا تبي فلل 4 غرف ومنطقه هادئه واموره حلوه عندك القاردن ستي

:b6c408e3fab0595d87e