فزعة يا أهل الرباط

السلام عليكم .. وأسعد الله أيامكم ولياليكم جميعاً

النية بإذن الله السفر إلى المغرب برفقة أحد الأصحاب من تاريخ 1/10 وإلى تاريخ 8/10
وكانت النية على مراكش بحكم انها زيارتنا الأولى للمغرب وكثر ما سمعنا عن مراكش الحمراء ولياليها
بس عقب قراءة مجموعة من تقارير الأخوان ومشاورات طويلة شفنا ان الرباط الوجهة الأفضل من كل النواحي ( الهدوء .. التعامل .. الأسعار .. قربها من كازا )
وللأسف الأشخاص اللي نعرفهم كلهم قالوا لنا لا تسألونا عن الرباط ولا قد مريناها .. أما مراكش فابشروا بعزكم
عاد النية الحين تقررت بشكل نهائي على الرباط .. وإذا احد يسوي فينا معروف ويوفر علينا الغلبة والشقا خصوصاً السكن ياخوفي نطيح بسكن مهناش ورحلتنا كلها سبع ايام وما تسوى علينا نضيع يوم أو يومين بشقة مقلب ولا خازوق
فاللي يعرف شقة فخمة وقريبة لفال ولد عمير وسعرها مناسب فياليت يرسل لي رقم صاحبة الشقة
وإذا بعد تعرفون تاكسي خدوم وابن حلال برضو ما نستغني

تحياتي وتقديري للجميع :26:

كلامك عن الرباط زادنا اصرار على قضاء كامل إجازتنا فيها .. والله يسهل أمرنا وامركم اخوي الطيب
على فكرة من أيام قريت تقاريرك وأهنيك على حسن تدبيرك لرحلاتك

عرضك مغري يالطيب .. بس التكاليف شوي كايدة على شخصين .. لو كنا أربعة بتكون مناسبة
والمتعة وانا اخوك في تحليل الريال .. ما اقصد انك تكون ماسك ونقاق وتدقق بكل صغيرة وكبيرة .. المقصد بس انك تكون راضي عن اللي دفعته سواء قليل ولا كثير .. خصوصاً إذا توفرت البدائل الممتازة وبتكلفة أقل بكثير
ما قصرت يالغالي وما نستغني عن فزعاتك ونا اخوك

وصلت رسالتك يالغالي
والطيب ما يدل إلا الطيبين شرواه
إن شاء الله قبل الرحلة بسبوع بكلمه .. وأشوف إذا أقدر انسق معه بخصوص السكن بالمرة ولا رجعت كلمتك .. ما نستغني عن فزعتك
الله لا يهينك اخوي .. كفيت ووفيت