رحلتي الاول الى بلاد المزاعيط

في هذا الموضوع او في هذا التقرير راح اسرد لكم زعطتي في بلاد المغرب

هذي اول سفره كانت لي الا المغرب و كانت في عام 2004 م وكانت في الصيف
وكانت الزعطه الواعره بنسبه لي ...... : (492): والي من بعدها ماشفت الا المغرب وتذكرت المغرب
كانت سفرتي الى (( اغادير ))..

بسم الله نبدا

كنت بصبراحه اسمع عن المغرب الكثير الكثير وكنت اسمع عن المزاعيط في المغرب وكثرت سفرهم للمغرب وكنت اقول وش هل مهبل لهادرجه الديرة فله ووناسه وكنت اسمع سوليف منقوله لي ان فيه مزاعيط يجلسون في المغرب بالشهر والشهرين
وكان برضه العضو ( MR.DJ) له الفضل ......: (787): بكثرة السواليف عن المغرب بما انه مزعوط خبير واقدم مني فكان يسولف علينا عن المغرب والي شافه في المغرب وكان يقولي صدقني راح تعيش في عالم ثاني .....: (788):

قلت والله يبيله زيارة واتفقت انا واثنين من الشباب ان نروح للمغرب المهم حجزنا وكل شي ويوم جا وقت قطع التذاكر الشباب اعتذروا
واحد جته بعثه في الخارج ولابد يكون موجود في الرياض علاشان يكمل اوراقه
واثاني كان مقدم على وظيفه واتصلوا فيه على شان يباشر الدوام
ومابقى الا انا قلت والله لااروح لو يصير وش يصير ورحت والله وقطعت التذكرة واذكر كانت تقريبا 3100 ريال لاني قصيته اليوم وبكره السفره رحتى لمكتب المؤيد واشوف الشايب اول مادخلت نادني وش عنك قلت والله انا بقطع تذكرة للمغرب قال استريح واجلس وكان جنبه الموظف قالي مته تبيه قلت كان فيه بكرة احجزلي عليها قالي اجل شكلك منزعط وانا وقتها والله مادري وش معنات منزعط قلتله ايه منزعط بقوة كنت ابيه يقصها قالي وين رايح قلت اغادير سالني عن السكن في اغادير قلتله ابي احجز من عندكم في صحارى وابيه يكون في الدور 3 او 4 او 5 حسب ماكان يقولي المزعوط
(MR.DJ) بعد ماعطاني التذكرة وجهني لموظف السكن واحرص على الموظف انها تكون في نفس الادوار الى ابيها وخليته يكتب على الفوتشر
واطلع من المكتب وانا متشقق من الوناسه .....: (599):

وكان موجود في المغرب(MR.DJ) وادق عليه وقلتله ترى بكرة انا جاي المغرب وبروح اغادير انت وين قالي انا لي يومين في اغادير وقم يهلي ويرحب وكان وقتها مبسوط .... : (695): وكان توه راجع من طنجه تمام الوضع اوكي كم بقي في سفرتك قلي باقيل 6 ايام وانا كنت حاجز 16يوم قالت تمام بيضبطلي الوضع اول 6 ايام بعدين ادبر نفسي انا..

واروح اضبط نفسي واضبط اوضاعي وارتب شنطتي وكلمت (MR.DJ) تبي شي اجيبه معي ناقصكم شي اجيبه قال ابد تعال بس قلت خلاص انشاء الله اقل من 24 ساعه وانا عندك وعطاني بعض المعلومات عن المطار وطريقت التعامل وقالي خلك دبشه كل ماقلولك شي قله وشوا نعم واذا طرا الاكراميه قله مامعي الافيزه قلت اوكيه ازهلها وشلون القاك قالي اول ماتوصل اغادير بــ 120 درهم خذلك تاكسي وقله فندق صحارى
وانت اذا وصلت باسلامه في مطار كازا عطني خبر وطمني عليك اوكي طبعا ذاك اليوم ماجني النوم كله تفكير في المغرب وش بصلح وش بشوف وكايف الوضع مالكم في الطويله خذتلي غطه يمكن ساعه وقمت واكلم واحد من الشباب يوصلني المطار وصلت المطار قبل الرحلة بـــ 3 ساعات تقريبا الرجال متشوق للمغرب واقص البوردنق ويجلس معي خويي لان الرحلة بتطول وهو من قبل قايلي بدري وانا الي شاب عليه وحنى جالسين نتقهوا الا ويشوف خويي زميل له في المطار ويسلم عليه وين رايح قال والله بروح لديرة المزايين وين المغرب قال تمام خويي بعد بيروح معك كويس خلكم تسلون بعض ونتكي شوي وينادون على الرحلة حقتنا ونودع خويي وداع حار قلتله يمكن ماارجع واعيش في المغرب ......: (481):
واركب الطيارة واشوف اشكال المزاعيط ...... مبسوطين بيروحن ديره المزاعيط وانا ابي انام في الطيارة ماقدرت

يتبع....