اذا ممكن شخص يخلص اجراءات الجوازات في مطار كازا

تحياتي واخلاصي للجميع والله الموضوع مايسوا اية مطار واية تفتيش التهويل من كل شي والله هو المشكله ....ياخوان والله كل الكلام هذا فاضي وش الاجراءت الي ابحتاج احد يخلصها لي
اولا: انا اعبي الورقه الي استلمها في الطياره بيانات شخصيه يعني اتسلى فيها تسليه وانا في الطياره
ثانيا:انزل من الطياره وسيدا على موضف مع الطابور الجوازات يختملي دخول ويقولي اتفضل (يمكن يدردش معي شويه (كيف حالك حمدالله على السلامه كيف الرحله انشاء الله ماتعبت وبس (يعني يستجدي عطفك اذا حبيت تعطيه شي عطه ما حبيت انت حر )بلعكس مايقدر ياخرك لان وراك طابور هو يبغا يخلص وبعدها تنزل الدرج وعلى العفش وثواني وانت بر المطار ....اية تعقيد وكلام كبير واجراءت غير صحيح وللعلم انا اخر مره دردش معي قلت تصدق وكنت طفشان وتعبان من الرحله بلعربي ما ابغا ادفع لاهديه ولا غيره والله العظيم انه تبسم وقال على راسي من فوق احنا في خدمتك واحرجني لو درية عطيته ..وفي المغادره ماعندك اي مشكله والله ما احد يسالك ...فليه تسمونها انهاء اجراءت المطار مافيه اصلا اجراءت الدخول عادي ختم جوازك وفل ...بدون تاشيره

وبنسبه للخوان الي عندهم عفش كثير او معهم انسان مسن ويبون يتجاوزون الطابور يبشرون لي صديق شخصي ضابط بجوازات المطار يقدر يساعدهم اما اذا كانو شباب فلازم افهم نوع الخدمه

نعم هذا ماحدث معاي في مطار القاهره
لكن لا اعلم في حقيقه الامر عن المغرب
لكن تقدري تستفسري من اي مكتب سفر او سياحه
او الاتصال باول فندق حجزتي فيه وطلب الخدمه

طبعا انا اتصلت بالفندق تلفونيا
وطلبت احجز لأن رحلتي كانت اضطراريه فلم احجز الفندق مسبقا فحجزت بالتلفون قبل الرحله بـ 12 ساعه تقريبا وطلبت انهم يستقبلوني في المطار ويخلصون الاجراءات
وفعلا استقبلني موظف بلوحة مكتوب فيها اسمي
واستلم جوازي وبقيت امشي وراها الى ان انهى كل الاوراق
بل اخذني في جهه اخرى غير الطابور وخلص الاوراق من مكتب الضابط المناوب بدون اي تعقيد
وحمل العفش وخرجنا من المطار ووجدت سائقا ينتظرنا ركبنا معاه وبقي هو
فاتوقع هذي مهمته فقط

اشكر الجميع على مداخلاتكم ووجهات نظركم

ياعمي جمد قلبك ولا تخاف ولا تبتسم وخلك عادي امش طبيعي يحتار عدوك فيك ..... قسم بلله أنا حضر هو شه في مطار أكادير المسيره واحد إروبي تاهوش مع الجمار وشرطه في المطار وكلهم ساكتين وخذ عفشه ومشا ولا واحد تكلم عليه بس حنا طيبين . (هذا الي قوله لك ترا تشجيع لك ) وفي سفرك لا تنسا ذكر الله ولا الصلاة وتوكل على الخلقك وبسلامه .

على طاري التفتيش وشرطة مطار كازا اذكر مره في مطار كازا كان موجود بعد ماتنزل من الطائرة جهاز تفتيش للشرطة قبل الدخول لاستلام الحقائب كان معاي شنطه صغيرة فيها اغراض و 40 الف درهم شافوها في الجهاز وطلعها الشرطي قال نبغى الايصال الخاص بالفلوس قلت ماعندي نسيته بالرياض بعدها طقها في وجهي عيني عينك قال عطني منها وانا امشيك قلت والله ماتاخذ درهم واحد قالي خلاص تدفع غرامة كبيرة وبعدها وداني لظابطة شرطة موجوده في مكتب داخل المطار قالت لازم تدفع غرامه قلت ادفع مو مشكلة شكلها شافت ان الاجراءات بتطول وانا مستقعد لهم قالت خلاص خليه يروح بس مشيت مع الشرطي الى جهاز التفتيش اخذت شنطتي واعطاني الفلوس وقالي صافي اغبر قمت غبرررررت

هههههههه حلوه يابو الياس كلمة صافي اغبر هذي هههههه

ياليت نقدر على خدمتك ياصاحب الموضوع بس للاسف ماعرف احد

الله واكبر يالمهم يالدبلوماسي ..
الحين تنطق بالطياره 7 ساعات او 8 ساعات ومافيك صبر تنتظر 10 دقايق هههههههههههه
ياسبحان الله العظيم