فن الملحون===متجدد ثرات اصيل وقصائد روعه

__________________

مشرفين يا للا سلمى .. غير امتعتينا في هاد الموضوع وهادي القصائد الزوينه ..
فن الملحون يستاهل من يسلط الضوء عليه لمعرفته عن قرب ..

تحياتي لك ..

__________________

نظم أحمد الغرابلي رحمه الله

__________________

الله عليك يا سلمى الله عليك ..

يا لطف الله الخافي بصوت الغيوان




وهنا بصوت جيل جيلاله



واصلي يا مبدعه ..

وهنا مداخله بسيطه مني ..

**ناكر الاحسان**

سير اناكر الاحسان** الايام تشيط وراك بالقهر
ويبان البرهان** فيك امن خان حبيبو
ــــــــــــــــــــــ
ما صبرني للتيهان **غير نكايد ونزيد فالصبر
وعقيلي حيران** شاكي من حر لهيبو
طول دجايا سهران **وقليبي بالزفرات ينعكر
وليت كما اليرقان **جرحي ما صاب طبيبو
لو نكتم سري بان** بعد خفيتو يا لايمي ظهر
ركبت القومان **عن سري بعد حجيبو
وانت قلبك حقدان** ماشفك حالي زايد النفر
في شروط التيهان** فعلك مازال تصيبو
ــــــــــــــــــــــ
عاشرتك بالصدق والوفا** واللي فيَّ راك عارفو
وانت مني رايد الجفا** واناوعدي كنصرفو
خفت عليك اشارد العفا** من ذنبي دغيا تصادفو
مايلقاك أمان** من تغرادي عن ساير العمر
وكثير الختلان** مايطلع عقبة ديبو
كيف يمنع العشران**- من طيبو بين الناس ينشكر
ما يغدر لو كان** في الوكر معه طليبو
شفتك جيتي زربان** غروك صحاب الفيش والفشر
من لا ليهم شان** في نهار الضد يغيبو
لاكني سير وكان** لابد كثير الجهد ينكسر
من بعد الديدان** سيسان الغدر يريبو
ــــــــــــــــــــــ
كنت نظنك صاحب العقل** ما ترضى برفاقة الغشام
غروك اهل الفيش والبخل** ما ليهم صولة ولا كلام
وتجبرتي ناقص الفعل** وجازيتيني بلا خصام
فغراض العديان** دزتيني ياصابغ الشفر
وغواك الشيطان** مثلي موحال تصيبو
لو جلتي في البلدان** وتسال البادية مع الحضر
ماتوجد انسان** مثلي ساخي بنصيبو
نفادي بالسلوان** فبساط العز وغاية الفخر
بوجود المزيان** كل ما قال نجيبو
ما يقهرني خسران** راخي طرفي قدام من حضر
نسخى بالثمن** في حق الزين نهيبو
ــــــــــــــــــــــ
ما يسلك مناهج الهدى** من هو كيفك خارج الحدود
من يسرك محال تنفدى** من حر الهجرة مع الصدود
بيَّ غير شفاية العدا** وكلام الحساد والعبود
من درتيهوم صدقان** سمحتي فيَّ يا خايب الطبع
في غراض الرقبان** والقلب كميت لهيبو
زدتي قلبي نيران** وانت هايم ما جبت لي خبر
قلبك حين شيان** رجع قطران حليبو
كي قالو ناس زمان** من دار الشر يموت بالغدر
واللي جاد يبان** من دار الخير يصيبو
قبلك فاتو شبان** ما دامت ليهم حالة الصغر
غير فلان فلان** كبروا وضحاوا يشيبوا
ـــــــــــــــــــــ
سير أجافي من جنبي دفع** ما باقي في خصامنا رجوع
فيك سمحت اخايب الطبع** حين تبعتي لامت الفزوع
ما فيها طيبة ولا نفع** عشرتك يا باخس السلوع
وإلى كنت شيهان** ركبتك يوم الحرب مشتهر
قدام الفرسان** واليوم لغيت ركيبو
و إلى كنت بستان** غنمنا حسن الياس والزهر
وجنينا الاغصان** وثمارك قبل يطيبو
و إلى كنت مزيان** دوزت معاك أيام تنشكر
و شفيت بالعيان** فجمالك قبل يخيبو
الايام الى تزيان** تبني بنيان تشيد القصر
بالزاج و طيقان** والنقش على ترتيبو
الايام الى تشيان** كتكسف ضي الشمس والقمر
بعجاج ودخان** ونجوم الليل يغيبو
العفو بيد الرحمان** نجاني منك شامخ القدر
نسعاه الغفران** لابد يهون صعيبو
قال فصيح العنوان**من دازك دوزو لازم لوقر
ما حَدُّو فكعان** دغية عَزَّمْ تجنيبو
خوذ رقايق الاوزان** شغلان الجار الفايز الحبر
رصاع العقيان** هذا هو ترتيبو



تقبلي تحياتي ..

__________________

__________________

تبارك الله عليك للا سلمى ..

هاك هادي ..

قصيدة الجار


الجيلالي امتيرد
ـــــــــــــــــــــ





يَادَمعْ اَبْصَـَارِي هَلّْ وَكْتَبْ فوُقْ اَخْدُودِي اَسْطُورْ
كَتْبَا مَبْهُــورَا بَلْفْصََحَا وَضََّحْ لَسْطَــارْ
خَبَّرْ بَخَبَــارِي نَاسْ لَهْوَا قَبْلْ اَحْيَالِي اتْبُــورْ
تَضْحَا مَخْبـُورَا وَالْحْدِيثْ اِيبُوحْ ابْلَسْـرَارْ
وَسْبَابْ اضْرَارِي يُومْ رِيتْ اَلْعَدْرَا تَاجْ اَلْبْــدُورْ
لَحْظْ اَلْيَعْفُــورَا لاَلاَّ سَلْطَانَتْ لَبْكَـــارْ
تَكَّبَْتْ اَجْمَــارِي فِي اَصْمِيمْ اَحْشَايَا تَرْمِي اشْرُورْ
مُدَّا وَشْهُــورَا فَلْبْدَانْ اَلْظَاهَا سَيَّـــارْ
هَيَّجْتْ اَفْكَــارِي كُلّْ يُومْ اَمْنَا وَعْتَابْ وُعْــدُورْ
عَكْسَتْ بَالـزُّورَا زَادْ قَلْبِي نَـارْ
اَعْلَ نَـارْنَفْشَاتْ اَسْـرَارِي بِينْ لاَمْتْ لَعْدَا وَهْلَ اَلْفْجُـــورْ
وَالْهَجْرْ اَضْرُورَا وْلاَ بْحَالِي عَاشَقْ صَبَّـارْ
جَـارِي يَا جَـارِي اعْلَ الَرّْضَا زُورْ اَحْبِيبَكْ لاَ تْجُورْ
فِي حَقّْ اَلجُّـورَا يَاكْ عَارْ اَلْجَارْ اَعْلَ اَلجَّارْ



نَضْحَكْ بَغْيَــارِي وَاَلنّْحُولْ اَعْلَ جَسْمِي وَالْكْــدُورْ
يَرْقَانْ اَلصُّـورَا وْلاَ وْجَدتّْ اَلْحَالِي مُكَْـدَارْ
عَسْلِي فَمْــرَارِي رَاحْتِي فِي تَعْبِي بَرْدْ وُحْــرُورْ
هِيَّا مَحْجُــورَا وْقَلْبْهَا عَلّْ لُوصَالْ اَحْجَارْ
بَوَّهْتْ اَبْصَــارِي فَالْمْدَايَنْ وَالبَّادِي وَالدّْشُــــورْ
خُودَا مَشْكُـورَا وْلاَ اَنْظَرْتْ اَسْوَاهَا فَقْطَارْ
اَحْمَلْتْ اَوْقــَارِي فِي اَهْوَاهَا شَلاَّ حَمْلُو اخْطُــورْ
رُُوحِي مَقْهُـورَا كَانْ بَحْتْ اَبْسَرِّي نُعْــدَارْ
فَارَقْتْ اَوْكَــارِي وْلاَ اَفْقَهْتْ فْوَطْنْ اَلْبِيدَا اقــْرُورْ
تَمْثِيل ْاَلْكُــورَا وْلاَ يْلِي عَلّْ لَرْسَامْ اَقْـرَارْ
وَلْفِــي خُنّـَارِي مَا دْرَجْتْ اَفْحُومَا وَلاَ قْصُــورْ
عَارَمْ مَنْصُـورَا عْلَ لَعْوَانَسْ تَحْكَمْ وُجْوَارْ
جَـاريِ يَا جَــارِي اعْلَ الَرّْضَا زُورْ اَحْبِيبَكْ لاَتْجُورْ
فِي حَقّْ اَلجُّـورَا يَاكْ عَارْ اَلْجَارْ اَعْلَ اَلجَّارْ




اَتْشِيبْ اَعْــدَارِي بَعْدْ مَا يَظْهَرْ لِي مَاهَا ايْغـــُورْ
بُشْرَا مَبْشــُورَا حَاصْتْ اَعْقِيلِي يَاحُضَّـارْ
فَحْيَافْ اَوْعَــارِي اَرْمَاتْنِي عَنْوَا بَحْبَالْ اَلْغْـــرُورْ
وَكْسَاتْ اَصْفُورَا حَالْتِي مَنْ عَشْقْ اُمّْ اِيزَارْ
نَهْـزَمْ كُــدَّارِي اَوْقَفْتْ لَعْزِيمــَا وَنْتَمّْ اَلْبْخُـورْ
وَمْضَاتْ اَلسُّـورَا كَنْزْ مَانَعْ وَهْلُو كَفَّـــارْ
نَكْشَفْتْ اَعْيَــارِي وْلاَ اَعْرَفْتْ اَلْهَا فَاَلْغِيوَانْ شــُورْ
مَنِّي مَشْهُــورَا مَا اَنْفَعْ فَهْوَاهَا تَحْــزَارْ
اَحْسَامْ اَعْقــَارِي مُولْتِي مَنْ نَطْقُــو بِهَا اجْفــُورْ
كَلْمَا مَتْمـــُورَا نَرْتْجَا لْهَا سَايَرْ لَعْمَــارْ
شَمْسِي وَقْمَــارِي فَاقَتْ ابْحُسْنْ اَلزِّينْ عْلَ لَبْــدُورْ
عَدْرَا مَنْضُـورَا طَلْعَتْ اَلْجُوزَا وَ اَلْغَـرَّارْ
جَـارِي يَا جَــارِي اعْلَ الَرّْضَا زُورْ اَحْبِيبَكْ لاَتْجُـورْ
فِي حَقّْ اَلجُّـورَا يَاكْ عَارْ اَلْجَارْ اَعْلَ اَلجَّارْ




هَلّْ يَامـــَدْرَارِي وَقْتْ نَسْتَغْنَمْ بَغْزَالِـي اسْــرُورْ
وَتْفِيضْ اَلْبـُورَا فَالْبْسَاطْ وُ نَفْدِي مَا سَـارْ
مَا بِينْ اَنْضَــارِي عْلَ التّْرَاكَِي طَلْقَتْ تِيتْ اَلشّْعـُورْ
سَبْلاَ مَظْفـُورَا امْرَصّْعَا بَطْرَارَشْ نُظَارْ
وَعْبَقْتْ اَزْهَــارِي اِيلاَنَسْتَنْشَقْ يَسْرِ طِيبْ اَلْعْطُـورْ
تَمْسَا مَهْجـُورَا اوْسَاوْسْ اَعْدَايَا وَ الْفُجَّارْ
نَغْنِي بَشَّـــارِي يُومْ يَخْبَرْنِي بَهْلاَلْ اَلْبْــــْدُورْ
لِيلاَ مَعْبــُورَا عَامْ فِيهَا مَحْسُوبْ اَعْبَـارْ
وَشْرَقْتْ اَنْــوَارِي عْلَ اَجْمَالْ اَبْهَاهَا صَفْرَا
اَتْــدُورْدِيمَا مَنْشُــورَ ابَاَلرّْبَابْ وُ نَغْمَتْ لُوتَـارْ
نَلْفـَظْ بَشْعَــارِي وُكَاسْنَا مَا بِينْ اَلْحَضْرَا
ايْــدُورْخَمْرَا مَعْصُـورَا رَبّْنَا سَمَّـاحْ وُ غَفَّــارْ
نَظْمِي فَسْطَــارِي عَبْدْ لَجْلِيلْ اِويْصَّفْ فَالْبـــْدُورْ
زِينَاتْ اَلصُّـورَا وَاللّْطَفْ مَنْ رَازَقْ لَعْمَارْ
جَـارِي يَا جَــارِي اعْلَ الَرّْضَا زُورْ اَحْبِيبَكْ لاَتْجُـورْ
فِي حَقّْ اَلجُّـورَا يَاكْ عَارْ اَلْجَارْ اَعْلَ

__________________

__________________

انتي اللي تبارك الله عليك للا سلمى .. موضوعنا هادا فيه غير انتي وانا وقاع عباد الله كيدوزو بلا ما يعلقو ..
انا غادي نكمل معاك ..

__________________

واييه اسي البزناس فن الملحون ماشي غي اجي وفهم ليه واللي فهم معانيه وحكامو مايقدر يستغنلى كليماتو

قصيدة النـــّحـــْلــة