فن الملحون===متجدد ثرات اصيل وقصائد روعه

تريف مختصر بفن الملحون وتاريخه
قصيدة الملحون:

تشير المصادر إلى أن أول بواكير فن الملحون قد ظهرت في العهد الموحدي، أي في القرن السابع للهجرة، إذ تطورت عن قصيدة الزجل في إطار الانعتاق والتحرر من بحور الخليل وكذا من صرامة اللغة المعربة.

"فالملحون، إذن، كلمة أطلقت على القصيدة الزجلية بالمغرب".

ولم تكن هذه القصيدة على جانب من التعقيد، بل كانت بسيطة، إن في أسلوبها الشعري، أو في جانبها الشكلي، إذ لم يكن الزجالون ينظمون في غير "الميت" وبالأخص البحر "المثنى" منه.

ولم يعترف بقصيدة الملحون إلا بعد أن كمل نضجها، وأصبح فنانوها ومنشدوها يأتثون البلاط السلطاني على العهد السعدي، واعتبارا من هذا العهد، أضحت هذه القصيدة ظاهرة أدبية معترفا بها وبقدرة شعرائها الذين طوروا قوالبها الشعرية، ونوعوا الموضوعات التي عالجوها، كما تطور أسلوب الغناء والإيقاع، وتغيرت الآلات الموسيقية.

2 ـ أغراض قصيدة الملحون:

وقد واكبت قصيدة الملحون الأمة المغربية، فعبرت عن كل عواطفها، ووصفت كل مظاهر حياتها الاجتماعية، وخاضت في كل فنون الشعر، ما يجعلني أزعم ـ مع من سبقوني لطرق باب دراستها أنها موازية للشعر العربي الفصيح من حيث هي مواضيع وأغراض، بل تفوقها من حيث هي معان.

ونذكر من بين المواضيع التي اختارها الزجالون أغراض لقصائدهم، موضوع التوسل وهو موضوع يشمل قصائد الندم والتوبة، وقصائد التضرع والاستغفار، وقصائد التسبيح والحمد ... وتصطبغ مضامينه بالكثير من المناجاة الروحية العالية المطبوعة بخالص الصدق والإشراقات الروحانية التي تخترق الحدود وتحلق عالية فوق الوجود

نبداوي بقصيدة الشمعه

وهادي كلماتها

لله يا الشمعة سألتك ردي لي سآلي
واش بيك فالليالي تبكي مدى انت اشعيلا
*****
علاش يا الشمعة تبكي ما طالت الليالي
وش بيك يالي تتهيء لبكاك فكل ليالي
وعلاش كتباتي طول الديجال كتلالي
واش بيك يا لي ما رينا لك فلبكا امثيلا
علاش كتساهر داجك ما سهرو نجالي
واش بيك يالي وليتي من ذا البكا عليلا
وعلاش باكيا روعتي ناس لهوى امثالي
واش بيك يا لي تنصرفي بدرارك الهطيلا
علاش باكيا وانت فمراتب المعالي
واش بيك يالي فيك اوصاف العاشقين صلا صلة
وعلاش باكيا مدالك للباكي وسالي
واشبيك يالي ظاهر حالك حالة لى وحيلا
اذا نشوف لصفرارك يصفار لو خيالي
واذا نشوف دبلتك زادت لخاطري دبيلة
*******
سألتك بالله عيد لي اش جرالك
وعلاش باكي لمدا لك
واش كان قصتك واش نهوا داك
اش نهو داك باش رق خيالك
وكمن قامتك حنحالك
وتبات باكيا لحبابك وعداك
لي دون خفا احكي بما فدخالك
وروي قصتك نصغى لك
وانا قصيتي بها نتعداك
لو جيت يا الشمعة نحكي لك كل ما اجرى لي
تنسى غرايبك وتصغي لغرايبي طويلا
اذا باكيا من نارك نيران في ادخالي
عدات كل نار فذاتي وجوارحي عليلا
واذا باكيا باسقامك شوفي اسقام حالي
من قيس وارثو بعد فناه اسقام حب ليلى
واذا باكيا بفراقك مفروق عن اوصالي
وعلى الفراق صابر وش صبرني على لعقيلا
وانت منين جاك تحكي لي اولي وتالي
ما فارقة خليل بحالي ما فارقة خليلا
تقول باكيا عند خيام السمر والليالي
ولا على بطاح وما دار فمقام ليلى
ولا على فراق الي عشق حيها بحالي
عربان آمنوا بالمختار شحال من قبيلا
سللتك لله عيد لي ما اصابك ........ اش كان سبتك فمصابك
لي احكي خطابك وانا نصغاك
يستغرب من لا تحدثو بخطابك....... الغريم فاللغا يسطابك
ويجول في حديثك وجواب لغاك
لو كنت ذات شاكية بعذابك......... يرباوا بالدموع اهذابك
لو كان ليك تصرخي بلغاك
بلسان حالها قالت لياما اخفاك حالي
يكفاك يا السايل عن حالي حالتي وحيلا
في صولة العمالة كنت وكانوا لي رجالي
قبايل لجناح لا تحكي كيفها قبيلا
يشيدو بروج من لعمالة كل برج مالي
ويعمروا بروج من مواهب ربنا جزيلا
فيهوم كيحجبو كيف الملوك فالليالي
وايام الربيع يخرجوا للبطايح الحفيلة
طلاب جاو ا هزمو بالحامية ابطالي
تركوني بعد العز فحالتي ذليلا
وليت للعصارة شهدة صفاوا من امصالي
صابوه قوت ودوا للذات الفانية العليللا
ومن امصالي صفاو شماعي يا لي صغا لي
وحكايتي للقدام القصة باقيا طويلا
***************
اسايلني يتدبروا لمسالك ......... تركوا حشاي في هالك
لو كان من الهند قوامي تهلاك
داروني فتخوت زي ما يبدا لك ....... تبغي فقلبها عذالك
يتختوا حتى اسمتواو بلاك
وخرت من لتخوت لمهالك ......لقساوة الشموس كذلك
ذاتي يقصروا بهواجر وفلاك
وعلفتيل لفو توراقي يا لي صغا لي
وبلا هوادة شعلوا فمواسطي فتيلا
ومتون من اطرافي تنشيها بلا عوالي
ونلوحها على الحسكة قطرةصافية صقيلا
نتفكر لعمالة وتزيد افراقها نكالي
نتفكر القصرة ونعود قلايدي هليلا
نتفكر العصارة وهجير الشاردة قبالي
ونقول وادب بكاي على ما صار لي اقبيلا
يحق لي بكاي على الغربة ما وجدت والي
في مسلمين حبابي وسلامتي قليلا
شحال منهلاك جرى لي كيف ما نبالي
يا شوم ليعتي وبكايا وصادفت كل حيلا
شحال من عذاب جرى لي اما الشعيل تالي
هذا عشور فالواقع بيا غاية القتيلا
سال اهل الحضرة اذا فرقت ابطالك
وقبايل الجناح رجالك
راك مع ارجالن يزهاو معاك
بفنهوم يدركو ما يزها لك...... وعلى السرور نادى فالك
وديار كيراعيوا كما يرعاك
بيك يسهر فكل داج الحالك..... واذا ينصرف مشعالك
تدعي بالفراق ويقبال دعاك
تبات يا الشمعة تبكي وانت فشان عالي
وجدوك يا الشمعة فمجالس رايقة حفيلا
وتبات يا الشمعة ترتي فضريح كل والي
وفشحال من مقام يشعلوك اهل الوسيلة
وتبات يا الشمعة بين اهل المال والموالي
وعليك كيصرفو الاموال الطايقة الثقيلا
وتبات يا الشمعة فمساجد ربنا العالي
وعليك كيخرجو السلكات فليلة الفضيلة
وتبات يا الشمعة بين اهل الشرح والامثالي
وعليك تنشرح كتوب بازغة جميلا
وتبات يا الشمعة بين العشاق ولغوالي
وعليك كيشاهد الخليل محاسن لخليلة
نبغيك با الشمعة تبكي في الحرة الليالي
وانا على ذنوبي نبكي فمقام دار ليلى
ذكرني يا حبر اللغا بشعارك ...... لي يخبروا بخبارك
يدريو من يكون سواي وسواك
ناري نحكيها لكم لعشور فنارك...... وسرارها تجي لسرارك
قصة من قصايص عشقك وهواك
فاش يجيوا يقلبو دينارك...... من خالص الذهب عيارك
يخفى على الذي ما داواه دواك

برافو عليك سلمى وشكرا على الموضوع الرايق ..

ونكمل معاك بقصيدة فاطمه من نظم الحاج ادريس المالكي ..



ارحمي يا راحة لعقل ترحامي

من جفاك طال سقامي

كيف نبقى حاير وانت مسليا

روفي يا لغزال فاطمة

امولاتي والحب والهوى والعشق ونار الغرام

من حالت الصبا فعضايا قاموا

كل واحد دار مقامو فمهجتي وضحى بحسامو مع سهامو

يطعن ويزيد بالجراح عدامي....... في غراد هذ الدامي

غير ملكت عقلي بجمالها وغلقت عنوة باب المراحمة

امولاتي ما كان هكذا ظني يا بنت الكرام

تعدبي بغير سباب غلامك....بعدما قبلت قدامك

بالقهر رعيت دمامك من غرامك

ضاعت بجفاك الطويل ايامي...يا غرايبي وهيامي

لاش عاقبتني بالظلم بعدما طعتك وانتنا الظالمة

امولاتي شوفي بعين المحنة في هذ الغلام

افاطما انت بالحال سليمة وحالتي بجفاك سقيمة

كيف نبقى منسي ديما بلا جريمة

واش انت اليوم سمعك صامي .....جاوبي جواب كلامي

بغيتك تصفي ذاك القلب لاين انا عبدك وانت الحاكمة

امولاتي افاطما تحييني غير بالكلام

ما جا رسول ما قلتيلي كلمة ....واش ما في قلبك رحمة

يا لي صلتي بالحكمة وحبك ما...في وسط القلب زاد نار ضرامي

بردي الصهد الحامي....بالوصال والمصال لي فشفتك ديك العذبية الناسمة

امولاتي امتى نشوف قدك يتمايس كعلام

منو الياس والريحان تعلم....الشعرغسيق مظلم

كغراب عليه مرصم وضيا عم

يلوح من الجبين نورو سامي...به كيزول غتامي

والحجواجب نونين معرقين لشفار بغير مدام نايمة

امولاتي عينيك زوج كيسان من عتيق المدام

من ذاق منهوم شي يصبح هايم ...والعطر فلخد مناعم

ورد عكري تحت صوارم فاح ناسم

والمعطس طير طار به منامي...بين الورود نسامي

والسنان احسن من حب الغمام...والجيد غزال خشى من الرما

امولاتي وانا دخيل جيدك جودي لي بالمرام

روض الرضا يفوح علي بنسيم...ساعة نرا وجهك الوسيم

افاطما قبلي عبد خديم قالت الريم

قبلتك طول الحياة غلامي

لا تظن تبقى ظامي جق نهدي حتى نهدي كيوس فحضرتك تطفي حرقة الظما

امولاتي خدي نفرشو بالشوق لدوك القدام

ونقولك افاطمة زطمي ....يا لي داوتي جسمي

امري بالعز وحكمي ولا تحشمي

ونشوفك يا الباهية قدامي ..الرقيب بصرو عامي

والحسود فغفلة وانا معاك تحتخيام الليل لمخيمة

جات الميلاف راية الهشامي ....ناوية تزور رصامي

تلحفت بثياب رفيعة وجات تتمايل كلياسة الناعمة

منين نظرت زينها بنيامي ...قلت من صميم غرامي

كان هذي يقضة ولا منام عهدي بالشمس قبيل فالسما

الساعة لاح نورها فرصامي ...كصورة الادامي

والخليلة تضحك حتى تطيح وتقول انا لغزال فاطمة

شكيت لها بلعتي وهيامي...هيبتي فجل مقامي

قلت لها حالي وسلمت ليلتيهي بلي كان عالمة

سال بريق الرحيق يا لوامي والنوامس والخوامي

غير حزت وقبلت ولا فعلت ما تصبح النفس به نادمة

هاك راوي رقايقي ونظامي ...فيق الحرير الشامي

هاك فن قليل مثيلو فجيلنا فاق بالبلاغة التامة

لاهل التسليم تنهيب سلامي واسمي فطرز ختامي

قول قال ادريس بن علي المالكي سلبتني الغزال فاطمة

__________________

مشاء الله شكرا شكرا تعجبني كثير كثير القيده هادي مشكور على المرور

__________________

انا اللي اشكرك سلمى على الموضوع وارجو منك الاستمرار في اتحافنا بقصائد الملحون الخالده ..

تحياتي ..

__________________

وهادي كمان قصيده روعه اتمنى تنال اعجابكم

قصيدة حن واشفق

نظم:عبدالقادر العلمي

الله الله عليك يا سلمى شكرا على هذا الذوق الرفيع ..

ولك من عندي هذي :

قصيدة الحراز


تاليف الشيخ الحاج المكي بن قريشى (المغربي)



مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

مال الحراز قضيب البال
ما يجاور عمرو جيران
عاس على القتلة مشمور
جامع اطرافو ما يندى
و إلا انظرت بحالو جلدة
وقت ما نجيه نصيبو عبوس
ألطيف ألطيف, واش نعمل واش المعمول
باش ناخد هاد المكروه
في غراض اللي نهواها
أش من حيلات يسرقوه
باش نظفر ببهاها شكيت
لاصحاب الحال والاهوال
عشقو مدلالة من تسال
دوب جسمي و انا نحيل
ما نقوى لاصحاب اللطام
و الهجرة ترجع بالسقام
و بعدها
يا ناس المحبة قلت أراسي
ما يلي إلا نتحزم عن عقارو
هادا خشبة من الخشب ما تچديها نار
رادي من عليم سود الشفار
وأنا عاشق صبار
طال تعبي و عييت نساعف الرديل البهات
و إلا رطاب بحيلات
عييت ما نتدمم محال يا من فيه

جيت لو في صفة باشا
من قنوت العظمات
بالعلوم ورايات
و الطبول تنتچر و الخيل و الرجلية
محلتي مشهورة خلفي بحزمة
بالساﭼات
جات المشهورة جات
و البياتة وجبت
ضاقت العشوية
حين قبلت عليه و شافني قصدت لمبات
قام هز الخطوات
ما بغى يلقاني ولا ليه حاجة بي
سار هارب لرسامو سار بالعزم لا تلفات
ينتفز بالخلفات
كل قامة أسيدي فعبارها متنية

مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

قلت لاصحابي سيرو ليه
بالعزم دغية دورو بيه
وتقوه و جيبوه حتى يكون قدامي أمامي نزنچو
و نفرجكم فالمقيت
ادا جابوه و يوجبوه
قلتهم زيدو بيه بعد سليت السيف باش ندميه
نطق بموجب الشرع
قال أنا بالله و النبي
تعمل لي حق يا الباشا
ما أنا إلا نايبة
والسلطان الله ينصرو
و يدوم علينل سلامتو
و يعز الباشات و الخلايف
وقياد الحكام
شياخ قبايلنا
رعاية الملك العز الهمام
بهم يفخر منهم حالنا مسكين
و ﭽلين حامد الله على الهنا
في هبة الملك تعيش العباد
احنا طاعة لله
قلت لو لاش عليك أخايب الطبيعة
تهرب أصاحب الخديعة من ضيف الله
يا الباخس ياك أنا ليك جيت
قاصد ناخد مالك مع رقبتك
وجبت برات سيدنا مطبوعة
المير كلمتو مسموعة
والله ما يفيدك مني حتى هروب
قال أصاحب الأمير لا تكتر هضرة
هدا كلام مرجوع عليك
راك بالخزاين واصحاب عند كلمتك
العساسة حارسين
ادريو الغلات كاملين
أما داري حرام تدخلها لو نمشي فسبيب البغلات
لا تقوي لومات
لا تخوفني لا تقلي الحوت علي
ياك للدين وضيف الله الجوامع تبنات
فالمدن وقريات
هكدا سيرتنا احنا اهل البادية
ضيفنا ما يدخل للدار ما تقيسو عترات
فين ولاه يبات
فالربيع مع الصيف و ساعة الخرفية
والمسايد فايام البرد كاينة والغرفات
خود صحة الانعات
كان ردتي الحقيقة كون تصغى لي
عساك أالباشا قوم شلى عدات
كلمة المير كفات
لاش تطمع فالدار اللي محصنة محضية ...


مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

(جيت لو في صفة الغلام
نخدمو طاعة دون كلام)
قلت أسيدي أنا وصيف
المحرر حررني اللي شراني
ودعني فسبيل ربي
قصدتك لاكرام قلبي
ونويت الخير فيك
جابتني الايام ليك
وانا مرزاق
وأسمي مبارك
واللي مبروك تخدمو الاحرار مع العبيد
انت ودك ربي من متاعو واعطاك المال
لا تكني ما عندك
مني دام لو
حيت انت راجل الوحيد
وانا نتسخر ليك فالمسايل البعاد مع القريب
عسى تعمل لي شي نصيب
الكسوة والصباط
الايجارة يسمح فيها عبد الجواد
إلا قبلو عليه إحوزوه و يكرموه ما يدوزوه
وهو ما يدوز سيدو
و الدنيا سايرة والايام تفوت
خود ليك راحة واغنم وقت السرور
وانا نتسخرليك شين تامرني
وخفيف العضام مسروق على الرمشة
كل ما تمرني ضني نفعلو
هدا حق الوصيف
الطاعة لسيادو
قال لي سير فحالك
لا تطوف بي لا تقربني
ما نخالط الكحل و ما نعاشرو
طول زماني ما كسبت الكحل
ما خالطتو ما حملتو ما عاشرتو ما قبلتو
ما عندي خير فيه
غير إلى كان خلوق فمكاني و زيادة فالمراح
وانا ظاهر لي فيك جيتي تختلني
تغدرني فشي مسالة بعّد مني و سير
كفّي لا تمشي دون غرض
يا بو دعوات
يا قبيح الخزرات
كل من كسبك عندو فيك غير السيئة
قلت لو خاف الله لا تكون
تجهل الاشيات
الاخلايق صفات
كل خلق اسرارو في ادواخلو مكنية
قال لي سير فحالك
لا تكون تحضي الغرات
من خيار البيتات
ما نكسبك و لو نسكن فأرض خلية
عسّاك أنا بقبيلتي و ناسي عزوات
رادّين الكسرات
ما وقفت عليك لسخرة و لا لحمِيَّة...

__________________

__________________

تبارك الله عليك للا سلمى .. ما عندي ما نسالك غير زيدينا من هاد الفن الجميل والطرح الراقي وكنتسنى منك المزيد والمزيد ..


تحياتي ..

__________________

القسم الأول

__________________

يا المولى كن معايا ونيس في غمة لحدي
يوم ناخذ شبري في ترابي كن لي سندا


يا سلام عليك يا مبدعه ..


ودابا خودي هادي ...


قصيدة الدمليج
نظم : محمد المدغري



دمليج زهيرو صابغ الشفر كان فجيبي يا أهل الهوى ومشا ليا
باش نجاوب إلى تسال عنو تاج الغزلان


غاب زمان الهجرا وتاك بدري وهنا قلبي وراح من كل بليا
مهما زارت رسمي هلال عيدي راحت البدان
بتنا فحديث الحب والهوى وغزالي تهدي مدام كاس الحميا
واحنا فبساط رفيع ليس دركو عاشق فزمان
حتى راح الديجور والصباح تجلى ورمات فالشروق الذهبيا
وطيار الروض عالاغصان تنشد طبع صبيهان
قالت مصباح الزين يا العاشق هذا وقت الرواح من غير خفيا
ودعتك فحفظ الكريم من لا تراه عيان
نطقت وقلت لبودلال خفت يطول الميعاد يالعذرا البهيا
ولا تسناني يا الريم وتخليني هيمان
جبدت ولفي دمليج من ايديها زين الشفرين روح ذاتي مدميا
قالت ليا يا عاشق البها لا تبقى حيران
هاك الدمليج أعاشق المحاسن صونو وحضيه فالحجوب السريا
حتى نهدف ونزور مرسمك نصيبو محصان
ودعت هلال الزين تاج البها ورجعت من الفراق روحي مدهيا
وعملت فجيبي بالاشواق دمليج ضيا العيان
تم الدمليج مشى وطاح لي وبقا عقلي كيروج صبحان وعشيا
وانا لا حالة كيف حالتي في الضي و ديجان


*****
دمليج زهيرو غاب مبان وبقيت من فراقو مهموم حزين
ما تشاف مثيلو فيد سلطان عند العرب ولا فالهند وصين
دمليج لا يوجد فمكان فالروسيا ولا فخزين ستالين
دمليج الموضة يا فهيم من ذهب الصين وجا لتاج البنات هديا
صنعوا ماهر ذوقي لبيب وحكيم من اليونان
دمليج مرصع بالادرار من شغل الأناضول فيه حجرة تركيا
دارت بحجار الفوندو لا يدرك بثمن
دمليج لا مثلو وجاد عند الملوك الحاضرين في وطون أسيا
ولا في كندا ولا في أرض غموق السودان
دمليج ما وجد مثله في أرض الشام دون ريب وسوريا
ولا في القاهرة الصايلة ولا في عمان
دمليج الموضة ما وجد مثله عند اللي حايزين همة ومزيا
ولا دركوه اهل الاموال في الفرس وخرسان
دمليج الموضة ما يخلصو مال الأمريك والمدن الشرقيا
وكذ لك مال اسبانيا وغرناطة واشبيليان
مدت لي تاج الاريام هاذ الدمليج ولا عرفت كيف جرى ليا
وعملتو في جيبي وطاح لي ومشا يا الاخوان


طاح الدمليج وحار أمري وبقيت كنخمم ضي و ديجور
يعذر حالي من كان عذري ولا من بحالي جرحو معكور
سرت نفتش ونزاح صبري وانا كليح هايم والدمع يفور
درت في باب الخوخة مع الكنيف وحوز الكدان ما عطف قلب عليا
ورجعت على الصفاح كنسول دمعي هثان
ودخلت مع الاقواس والجزيرة حتى العدوة مع حواز المخفيا
بوعجارة درتو على النهاية واكد عجلان
قطعت الواد وسرت للصفيفح وانا حالي كظيم ما صبت حميا
وطلعت علىراس الجنان سولت اهل الغيوان
فتشت على الدمليج يالفاهم في الدوح ولا جبرت من يصغى ليا
ودخلت على صلاج كنفتش وانا ولهان
ما صبت من اعطاني خبار ولا من شافو يا رجيح فأحضان صبيا
وبقيت على الدمليج كنسول سرو يعلان


***********
سولت على الدمليج الاريام وانا فغير حال وقلبي مسقوم
درت فدرب السراج بقوام والطالعة صغيرة فضي و ديموم
سولت بعرفي ناس الغرام وجميع من صبية فبنات اليوم
درت فدرب الحرة مع السياج على دمليجي سألت ولفي ثريا
قالت لي ما شفتو ولا سمعت خبارو فمكان
سول فالقطانين راك تجبر تما جمع الاريام عند العشويا
ومشيت وسلت اهل الغيوان وليس خبرني إنسان
قالولي سول يا عشيق في حومة البليدة إيلا جبرتي ماريا
لعل تعطيك الخبار بالدمليج المصان
ومشيت للبليدة ودرت درب الميتر وسألت كل من هي ذوقيا
سولت ناس الحب والذي شاقو فالهجران
ومشيت ودرت فالزجزفور وانا واله وحدي ودمع العيان سخيا
والحفارين جميع درتها و زقاق الرمان



طال شقايا وهجرت المنام وانا كظيم هايم والعقل فليج
من حر الصد فقدت المرام بين الضلوع جمري موقود سريج
و فنا جسمي يا صاح وسقام لا حال حالتي بفراق الدمليج
فتشت فبوعقدة على النهاية وزقاق الما مشيتلو في صبحيا
ما صبت من عطاني خبار من كهول وشبان
وطلعتعلى المنية سريع وراحت الشمس الاولى وديك الفوقيا
ولدرب بن عزاهم سرت كالح قلبي لهفان
ومشيت معزم يا فهيم فتشت احواز الطالعة وناري مكديا
فطريق السنيما لقاوني زوج بنات كران
شافوني ناس الحب كنسول قالو مالك روح ذاتك مهديا
قلت مشا لي دمليج من فراقو عقلي هيمان
قالت وحدا يا عاشق البها دمليجك موجود عند هيفا بركيا
قالت لي صابتو نهار كان يزور السلطان
طحت وبست الأرض قلت ليها لاقيني بيه يا الريم العذريا
قالت دابا ياتيك بالوفا وهنا واطمئنان
قلت لها يا تاج البدور وين يكون الميعاد بينا دون خفيا
قالت يوم الجمعة الجاية تلقانا وكدان
أجينا لجنان السبيل قدام الصهريج الجديد وقت الذهبيا
تم رجانا ولاّ تصيبنا نرجاوك يعلان


************


راق الخاطر ونسيت الكدور ونكيت يا الفاهم جمع الحساد
وفرح قلبي ومشيت مبشور بقيت كنراجي شاخص التماد
في يوم الجمعة قمت مسرور مشيت بالاشواق في وقت الميعاد
صبت بنات الغيوان كتراجيني في الموعد بجلالب فضيا
و****ل من ذهب الشريق والتلثيمة حسن
قالو سهلا وميات مرحبا بالعاشق الغريم ليك بشرة وهنيا
بايعت وقلت على وصولكوم تتفاجا الاحزان
قامو ومشاو بزوج باللطافة جابو وحدا ثالثا كن ثريا
قالو هذ العشيق صاحب الدمليج الفتان
قالت لي يا سود النجال دمليجك عندي دون ريب ولا شكيا
لكن لا تمشي لعندنا تصطاب الكيسان
قلت لها يا اعز البنات مالي قدرة حتى نخون بعد الولفيا
راقب فيا وجه الكريم نعم الحي المنان
مدت لي دمليجي وقلت ليها يجزيك بكل خير خالق البريا
قالت فالحين بلا جميل حشى مثلك يهان
ثم ودعت الباهيات وفرح قلبي ونسيت كل ما فات عليا
ولقاني بالدمليج رب الورى خالق الاكوان


************


دمليج الموضة جا ليدي واظفرت بيه وتفاجا كل غيار
وافرح قلبي ونسيت نكدي ورسلت للوجيبة صابغ الاشفار
راحت القلوب هلال عيدي سلطانة الغوالي حرة لبكار
وصلت رسمي تاج البدور زينة الآسم مكمولة البها الهواويا
صابت قلبي مسرور بالوصول وناشط فرحان
وانا محتال على وصولها من شوقي وجدت كل ما يزهى ليا
المقاعد والشليات جبتهم من الهندوسان
مهما جلست تاج الاريام ، نزلت انواع الطبخ والتفاكه وقتيا
كوكا كولا خلف الطعام شلّى نحكي بلسان
قالت مصباح الزين يا العاشق وين الدمليج قلت لضيا عنيا
دمليجك ودرتو وغاب عنّي ومشا ما بان
واحكيت لها يا صاح ما جرى لي وهلال الزين بارزة تصغى ليا
وانا قلبي مجروح فوق خدي دمعي هثان
قالت فالحين زها وريع، واعرف دمليجي يا عشيق ما يبقى فيا
قرب وانسى على وصولي ساير لمحان


دمليج زهيرو صابغ الشفر كان فجيبي يا أهل الهوى ومشا ليا
باش نجاوب إيلا تسال عنو تاج الغزلان



تحياتي لك يا مبدعه .. استمري استمري ..

__________________