الى مزاعيط الفلبين
 

السلام عليكم ورحمة الله وبركاته

ان شاء الله مسافر بتاريخ 19 مارس الفلبين من الرياض لمدة 10 ايام و ماعرف فيها شي ابي مساعدتكم
ابي أفضل فنادق و أماكن طيور اريد برنامج لمدة 10 ايام
و هل مانيلا غاليه او رخيصه .. ماني من أهل البيبسي ولانى من رواد الديسكو .
تكفون ياشباب اسعفوني .بالنسبه للغة الانجليزيه ماعندى مشكله ميه ميه

رحلة موفقة وماراح يقصرون معك مزاعيط شرق آسيا

شكرا لك اختى مزاجية ...ان شاء الله مايقصروا الجميع

وعليكم السلام ،،
أفضل منطقه للسكن مكاتي ( بوكينق يختصر عليك البحث عن السكن ) وبخصوص التأمين للسكن الأفضل تدفع كاش وتستلم كاش عند المغادره ،،
يوجد شلالات قريبه من ما نيلا تستحق الزياره لنصف يوم تبعد تقريباً ساعه بالسياره إسمها أعتقد شلالات باقسنجان ،،
جزيرة بوراكاي تستحق الزياره لمدة أربع أيام تبعد عن ما نيلا ساعه طيران شاطئيه وأنشطه بحريه وفيها مول صغير أسمه ( دي مول ) والأفضل تسكن بستيشن 1 أو 2 ،،،
فيه الشارع المعروف بمانيلا أسمه برقص مطاعم وسهرات وغيره ،،
الفلبين تعتبر رخيصه نوعاً ما ع حسب صرفيتك وتختلف من شخص لشخص آخر من ناحية السكن وغيره ،،
بخصوص التذاكر الداخليه موقع ( سيبو باسيفيك ) له تطبيق خاص بالحجوزات تقدر تحجز منه التذاكر الداخليه بشرط وجود بطاقة الفيزا عند الحجز من النت ،،
الأفضل لك تفعل بطاقاتك البنكيه ع حسب البنك اللي تتعامل معه تتصل عليهم وتطلب تفعيلها ،،
يوجد العديد من المولات مثل مول SM ومول شانغريلا وجرين بلت وروبينسونس بلازا ،،

ركز على شارع برقص يمدحونه و طالما لغتك الانجليزية مية المية لا تشغل بالك كل شئ راح يكون سهلات
مع اني ماقد سافرت الفلبين لكن مطلع عليها من اليويتوب وكلام بعض الزملاء بتوفيق

اهم شي اللغه و الباقي هين
السكن في مكاتي و ماحولها
السهر عندك شهرزاد في كومبليكس
و دندشه و برج العرب في برقص
لا تسكن حول شارع برقص
انواع النصب و الشحاذة
لا تشتري من الباعه المتحولين نصيحه
لان لهم تعاون مع الشرطة يورط بشي ماتعرفه واللبيب يفهم

تشكروا جدا جدا حبايبي على هذا التفاعل ..بخصوص السكن راح احجز من بوكنج مافيه مشكله ..ولاكن هل يوجد فندق كويس ترشحوه لي وافضل 5 نجوم . ايش رايكم اروح سيبو والا بوركاي ؟ علما اننى لا افضل ركوب البحر واخاف منه جدا ..والا رايكم اجلس كامل المدة في مانيلا وحواليها ؟
تحياتى للجميع

والله بخصوص السكن بوكينق فيه أغلب الخيارات من النجوم وإذا كنت من هواة الطبخ والنفخ فيه شقق ع مستوى ممتاز مجهزه كامل عدة المطبخ شيك ع بوكينق وبإذن الله تلاقي اللي يناسبك ع حسب ميزانيتك للسكن ،،،
والله بوراكاي جزيره تصنف من أفضل الجزر وتستاهل الزياره وسيبو كذلك تعتبر المدينه الثانيه بعد مانيلا ،،،
وإذا كنت بتحجز ع بوراكاي ترا فيه مطارين أحجز ع مطار كاتيكلان MBH هوه القريب من بوراكاي وفيه المطار الثاني أسمه كاليبو KLO ويعتبر رخيص نوعاً ما لكن أبعد ،،،
أهم نقطتين فعل بطاقاتك البنكيه قبل السفر والتأمين بالفنادق أدفعه كاش وأستلم كاش ،،،

ابحث بتويتر عن نادي محبين الفلبين وعندهم قناة في التيلقرام وخذ العلم من اهله بروكاي لازم تكون حاجز فندق ومن الفنادق المعتمده غير كذا عند قناة النادي فنادق ممتازه ومجربه من الاف الاعضاء والديره ماهي غاليه والتعامل عكس الكبيده المليكه أخر حبه في الدنيا انت الملك هناك وانت السيد وانت كل شي

أتمنى لك سفرة سعيدة وموفقه

يمدحونها مانيلا منطقه مكاتي
والجزيرة بوراكاي ومدينة سيتي أنجلس
احجز فندق خمس نجوم في مكاتي والجزيره ترى عشرة ايّام ولاشي الفلبين بعيدة اخصم يومين ذهاب وعودة باقي لك 8 ليالي تروح بسرعه الضوء